ജി.എൽ.പി.എസ്. മുക്കൂട്ട്/ചരിത്രം

അജാനൂർ പഞ്ചായത്തിലെ 23 -ാം വാർഡിൽ മുക്കൂട് പ്രദേശത്ത് 1956 ൽ സ്ഥാപിതമായ വിദ്യാലയമാണ് മുക്കൂട് ഗവ.എൽ.പി.സ്കൂൾ. ഇനായക് സ്വാമി എന്ന വ്യക്തിയുടെ കാലിത്തൊഴുത്തിൽ അറിവിന്റെ വെളിച്ചം പകർന്നു നൽകുന്നതിനായി രൂപം കൊണ്ട ഏകാധ്യാപക വിദ്യാലയം നാട്ടുകാരുടെ ശ്രമകരമായ പ്രവർത്തനങ്ങളിലൂടെ വിദ്യാഭ്യാസ സാംസ്ക്കാരിക രംഗങ്ങളിൽ ശ്രദ്ധേയമായ മാറ്റങ്ങൾ സൃഷ്ടിച്ചുകൊണ്ട് മുന്നോട്ട് നീങ്ങുകയാണ്. കാരക്കുന്ന് ഹരിജൻ കോളനിയോട് തൊട്ട് നിൽക്കുന്നതും ഹിന്ദുക്കളും, മുസ്ലിങ്ങളും ഇടകലർന്ന് ജീവിക്കുന്നതുമായ പ്രസ്തുത പ്രദേശത്തെ ഏക വിദ്യാലയമാണിത്.