മുഹമ്മദൻസ് ജി എച്ച് എസ് എൽ പി എസ് ആലപ്പുഴ/പ്രവർത്തനങ്ങൾ

തണലത്തൊരു തുറന്നക്ലാസ് മുറി

ആലപ്പുഴ ഗവ. മുഹമ്മദൻസ് എൽ പി സ്ക്കൂളിൽ പഠനത്തിനായി 'തുറന്ന ക്ലാസ് 'സജ്ജീകരിച്ചിരിക്കുന്നത് കുട്ടികൾക്കും, രക്ഷിതാക്കൾക്കും ഏറെ കൗതുകമാകുന്നു. പഠിതാക്കളുടെ പാദങ്ങൾ പതിയാത്ത പതിനെട്ടു മാസങ്ങൾ പിന്നിടുമ്പോൾ, പൂർണ്ണമായും കോവിഡ് മാനദണ്ഡങ്ങൾ ഉറപ്പാക്കി, കുട്ടികൾക്ക് സർവ്വതോന്മുഖമായ പിന്തുണ നൽകി, മാനസികോല്ലാസത്തോടെ, സ്വതന്ത്രമായി പഠിക്കുന്നതിനുമായിട്ടാണ് ''തുറന്ന ക്ലാസ് ''മുറി ക്രമീകരിച്ചിരിക്കുന്നത്. ഹെഡ്‍മിസ്‍ട്രസ് പി കെ ഷെെമയുടെ നിർദ്ദേശത്തിൽ കോർഡിനേറ്റർ കെ കെ ഉല്ലാസ് പ്രവർത്തനങ്ങൾക്ക് നേതൃത്വം നൽകുന്നു

ഫസ്ഫ് ബെൽ 2.0

ടീച്ചർ ഹാജറുണ്ട് - കുട്ടികളും

ആലപ്പുഴ ഗവ. മുഹമ്മദൻസ് എൽ പി സ്ക്കൂളിൽ കുട്ടികൾക്ക് "ടീച്ചർ ഹാജറുണ്ട് - കുട്ടികളും" പരിപാടിക്ക് തുടക്കമായി. ഓൺ-ലെെൻ പഠന പിൻതുണഉറപ്പാക്കി കുട്ടികൾക്ക് പഠനം കൂടുതൽ രസകരമാക്കുന്നതിനും, തുടർ പഠനത്തിനുമായി ഫസ്റ്റ് ബെൽ-സ്‍ക്കൂൾതല ക്ലാസ്സുകളുടെ തൽസമയ പിൻതുടർച്ച നൾകുകയാണ് പരിപാടിയുടെ ലക്ഷ്യം.

വെെറസിനെ വറുതിയിലാക്കാൻ വീടുകളിൽ വീഡിയോ പ്രദർശനമൊരുക്കി അധ്യാപകർ

വീടുകളിൽ വീഡിയോ പ്രദർശനമൊരുക്കി ആലപ്പുഴ മുഹമ്മദൻസ് എൽ പി സ്ക്കുൾ അധ്യാപകർ.കൊറോണ വെെറസിനെ തടയുന്നതിനായി പാലിക്കേണ്ട മുൻകരുതലുകളുടെ, വീഡിയോ പ്രദർശനവും,ലഘുലേഖകളും സ്ക്കൂളിന് സമീപത്തെ വീടുകളിൽ വിതണം ചെയ്യുകയയും ചെയ്യ്തു.നമ്മുടെ ആരോഗ്യം നമ്മുടെ ഉത്തരവാദിത്വമാ‌ണെന്ന കാഴ്ചപ്പാട് കരുതലായി കണ്ട് ആശങ്കകൾക്ക് അറുതിവരുത്താൻ കഴിയണമെന്നും,തെറ്റായ സന്ദേശങ്ങൾക്ക് കീഴടങ്ങരുതെന്നും ഓർമ്മിപ്പിച്ചു.പൊതുവിദ്യാഭ്യാസവകുപ്പ് കൊറോണ വെെറസ് പടരുന്നത് തടയുന്നതിനായി പുറത്തിറക്കിയ വീഡിയോയാണ് പ്രദശിപ്പിച്ചത്.ഈപ്രവർത്തനം നഗരസഭയിലെ വിവിധ പ്രദേശങ്ങളിൽ പ്രദർശിപ്പിക്കുമെന്ന് കോ-ഓഡിനേറ്റർ കെ കെ ഉല്ലാസ് അറിയിച്ചു.