സെന്റ് .ജോസഫ്സ് എച്ച്.എസ്സ്, മറ്റക്കര
| സെന്റ് .ജോസഫ്സ് എച്ച്.എസ്സ്, മറ്റക്കര | |
|---|---|
 | |
| വിലാസം | |
മഞ്ഞാമറ്റം മൂഴൂർ പി.ഒ, , മറ്റക്കര 686503 | |
| സ്ഥാപിതം | 17 - 05 - 1948 |
| വിവരങ്ങൾ | |
| ഫോൺ | 04812542281 |
| ഇമെയിൽ | stjosephsmattakara@gmail.com |
| കോഡുകൾ | |
| സ്കൂൾ കോഡ് | 33063 (സമേതം) |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കോട്ടയം |
| വിദ്യാഭ്യാസ ജില്ല | കോട്ടയം |
| സ്കൂൾ ഭരണ വിഭാഗം | |
| സ്കൂൾ വിഭാഗം | പൊതു വിദ്യാലയം |
| പഠന വിഭാഗങ്ങൾ | എൽ.പി യു.പി |
| മാദ്ധ്യമം | മലയാളം, ഇംഗ്ലീഷ് |
| സ്കൂൾ നേതൃത്വം | |
| പ്രധാന അദ്ധ്യാപകൻ | സി.മോളി ജോസഫ് |
| അവസാനം തിരുത്തിയത് | |
| 27-09-2017 | 33063123 |
ചരിത്രത്തിന്റെ ഏടുകൾ പരിശോധിച്ചാൽ ഏതൊരു വൻസംരംഭത്തിന്റെയും പിന്നിൽ നിരന്തരമായ ത്യാഗത്തിന്റെ, അദ്ധ്വാനത്തിന്റെ തിളക്കമാർന്ന അദ്ധ്യായങ്ങൾ കണ്ടെത്തുവാൻ കഴിയും.മനുഷ്യസ്നേഹികളുടെ ഏറെ നാളത്തെ സ്വപ്നസാക്ഷാത്ക്കാരം! അദ്ധ്വാനനിരതരായ കർമ്മയോഗികളുടെ വിയർപ്പുതുള്ളികളുടെ സാഫല്യം!അതാണ് മഞ്ഞാമറ്റത്ത് ഇന്നു കാണുന്ന മറ്റക്കര സെൻറ് ജോസഫ്സ് ഹൈസ്ക്കൂൾ. പുരോഗതിയുടെ പാതകൾ താണ്ടി വജ്രജൂബിലിയിലെത്തി നിൽക്കുന്ന ഈ വിദ്യാസദനം നേട്ടങ്ങളുടെ കഥകൾ ഒന്നൊന്നായി അനാവരണം ചെയ്യുന്നു.
ഭൂപ്രകൃതി
മലനാട്, ഇടനാട്, തീരഭൂമി എന്നിങ്ങനെ ഭൂപ്രകൃതിയുടെ തരംതിരിവ് വച്ചു നോക്കിയാൽ നമ്മുടെ സ്ക്കൂൾ ഇടനാട് വിഭാഗത്തിൻ പെടുന്നു. കോട്ടയം ജില്ലയിൽ, കോട്ടയം താലൂക്കിൽ, അകലക്കുന്നം പഞ്ചായത്തിൽ അയർക്കുന്നത്തുനിന്നും 6 കി.മീ. തെക്കുകിഴക്കുമാറി, മണ്ണൂർപ്പള്ളി-പൂവത്തിളപ്പു റോഡിനോടു ചേർന്നു് ഈ വിദ്യാമന്ദിരം നിലകൊള്ളുന്നു. സുവർണ്ണകുംഭങ്ങളുമേന്തി എങ്ങും തലയുയർത്തി നിൽക്കുന്ന കേരളത്തനിമയായ കേരവൃക്ഷങ്ങൾ! ഇടതൂർന്നു വളരുന്ന റബർ മരങ്ങൾ! അല്പം മാറി, തീരങ്ങളെ തലോടി മന്ദം മന്ദം പതഞ്ഞൊഴുകുന്ന പന്നഗം തോട് ! ഹരിതാഭമായ പ്രകൃതി ലാവണ്യം! ഇതിന്റെ മടിത്തട്ടിലാണ് നമ്മുടെ സ്ക്കൂൾ സ്ഥിതി ചെയ്യുന്നത്.
ചരിത്രം
സ്ഥലവാസികളുടെ അതിയായ ആഗ്രഹത്തിന്റെ ഫലമായി F.C.C.സിസ്റ്റേഴ്സിന്റെ നേതൃത്വത്തിൽ 1948 മേയ് 17 ന് അപ്പർ പ്രൈമറി വിഭാഗം ആരംഭിച്ചു.ഇതിന്റെ പ്രഥമാധ്യാപികയായി റവ. സി. മേരി സ്റ്റാൻസ് ലസ് നിയമിതയായി. പ്രസ്തുത മിഡിൽ സ്ക്കൂൾ സ്ഥാപിക്കുന്നതിനും ഗവൺമെൻറിൽ നിന്നും അംഗീകാരം നേടുന്നതിനും അങ്ങേയറ്റം ശ്രമിച്ചത് ദീപിക പത്രാധിപരായിരുന്ന വെരി.റവ.ഫാദർ റോമയോ തോമസ് മണ്ണനാൽ റ്റി.ഒ.സി.ഡി.,എം.എ.എൽ.റ്റി. അവർകളാണ്. സേവനസന്നദ്ധരും നിസ്വാർത്ഥരുമായ ഇന്നാട്ടുകാർ സ്ക്കൂൾ മാനേജരായ റവ.ഫാ.ജോർജ്ജ് കലേക്കാട്ടിൽ അച്ചനോടൊത്ത് പ്രവർത്തിച്ചതിന്റെ ഫലമായി 1949 ൽ II ഫോറവും 1950 ൽ III ഫോറവും ആരംഭിച്ചു. മിഡിൽസ്ക്കൂൾ പൂർത്തിയായതോടുകൂടി ഇവിടെ ഒരു ഹൈസ്ക്കൂൾ ആവശ്യമാണെന്ന് നാട്ടുകാർ നിർബന്ധപൂർവ്വം ആവശ്യപ്പെട്ടു. ബഹു.റോമയോസ് അച്ചന്റെ ശ്രമഫലമായി ഹൈസ്ക്കൂളിനുള്ള അനുമതി ലഭിക്കുകയും 1953 ൽ ഹൈസ്ക്കൂൾ ആരംഭിക്കുകയും ചെയ്തു. ബഹു. സി. പാവുളായായിരുന്നു പ്രഥമസാരഥി.
പ്രശസ്തിയുടെ കൊടുമുടിയിൽ
1955 ൽ പൂർണ്ണഹൈസ്ക്കൂളാവുകയും റവ.സി.മേരി ലെയോ സ്ക്കൂളിന്റെ സാരഥ്യം ഏറ്റെടുക്കുകയും ചെയ്തു. ബഹു.ലെയോമ്മയുടെ അത്യദ്ധ്വാനത്തിന്റെയും സമർത്ഥമായ നേതൃത്വത്തിന്റെയും സഹാദ്ധ്യാപകരുടെ കൂട്ടായ യത്നത്തിന്റെയും ഫലമായി 1961 ൽ എസ്.എസ്.എൽ.സി പരീക്ഷയിൽ സ്റ്റേറ്റിൽ രണ്ടാം സ്ഥാനവും 962 ൽ ഒന്നാം സ്ഥാനവും ഈ സ്ക്കൂളിനു ലഭിച്ചു. അതുവരെ അധികമാരാലും അറിയപ്പെടാതിരുന്ന ഈ സരസ്വതീ ക്ഷേത്രം ഏവരുടെയും ശ്രദ്ധയ്ക്കും പ്രശംസയ്ക്കും പാത്രമായിത്തുടങ്ങി. 1976-77 സ്ക്കൂൾ വർഷത്തിൽ പാലാ കോർപ്പറേറ്റ് വിദ്യാഭ്യാസ ഏജൻസിയിലെ ബെസ്റ്റ് സ്ക്കൂളായി ഈ സ്ക്കൂൾ തിരഞ്ഞെടുക്കപ്പെടുകയുണ്ടായി.1980 വരെ ഈ സ്ക്കൂളിനെ സമർത്ഥമായി നയിച്ചുകൊണ്ടിരുന്ന ബഹു. അലോഷ്യസമ്മ പാലാ സെൻറ് മേരീസ് സ്ക്കൂളിലേക്ക് സ്ഥലം മാറി. അതിനു ശേഷം റവ.സി.ഡൊമിനിക് ഹെഡ്മിസ്ട്രസായി ചാർജ്ജെടുത്തു.റവ.സി.ഡൊമിനിക്കിനു ശേഷം സി.ജസീന്താ, സി.ആനിറ്റ്, സി.സിസിലിയ, സി.ജൈൽസ്, സി.ഗ്രെയ്സ്, സി.റോസ് ജോം, സി.റാണി, സി.മേരി ജോർജ്ജ്, സി.ആലീസ് സെബാസ്റ്റ്യൻ, സി.റോസമ്മ തോമസ് എന്നിവർ ഹെഡ്മിസ്ട്രസ്സായി സേവനമനുഷ്ഠിച്ചു. ഇപ്പോൾ സി.മോളി ജോസഫ് സ്ക്കൂളിനെ നയിക്കുന്നു. തന്റെ സർവ്വതോന്മുഖമായ കഴിവുകൾ വിനിയോഗിച്ചുകൊണ്ട് ഈ സ്ക്കൂളിന്റെ പുരോഗതിക്കായി സിസ്റ്റർ അക്ഷീണം യത്നിക്കുന്നു.
മാനേജ്മെന്റ്
പാലാ കോര്പറേറ്റ് എജ്യുക്കേഷണല് ഏജന്സിയുടെ കീഴില് പ്രവര്ത്തിക്കുന്ന സ്കൂളിന് ശക്തമായ ഒരു മാനേജ്മെന്റ് സംവിധാനമുണ്ട്. ഈ സ്കൂളിന്റെ മാനേജര് റവ.സി.ആന് ഫെലിക്സാണ്. ഈ സ്കൂളില് യു.പി.വിഭാഗത്തില് 8 അധ്യാപരും ഹൈസ്കൂള് വിഭാഗത്തില് 14 അധ്യാപകരും സേവനമനുഷ്ഠിക്കുന്നുണ്ട്
മുൻ സാരഥികൾ
സ്കൂളിന്റെ മുന് പ്രധാനാദ്ധ്യാപകർ
റവ. സി. മേരി സ്റ്റാൻസ് ലസ് (1948-1953)
റവ. സി. പാവുളാ (1953-1955)
- റവ.സി.മേരി ലെയോ (1955-1964)
- റവ.സി. അലോഷ്യസമ്മ (1964-1980)
- റവ.സി.ഡൊമിനിക് (1980-1986)
- സി.ജസീന്താ (1986-1989)
- സി.ആനിറ്റ് (1989–1998)
- സി.സിസിലിയ (1998-2000)
- സി.ജൈൽസ്, (2000-2002)
- സി.ഗ്രെയ്സ്, ( 2002-2004)
- സി.റോസ് ജോം, (2004-2008)
- സി.റാണി, (2008-2009)
- സി.മേരി ജോർജ്ജ് (2009-2010)
- സി.ആലീസ് സെബാസ്റ്റ്യൻ, (2010-2011)
- സി.റോസമ്മ തോമസ് (2011-2016)
പ്രശസ്തരായ പൂര്വവിദ്യാര്ത്ഥികള്
കലാപരം
1989-90 സ്ക്കൂൾ വർഷത്തിൽ സംസ്ഥാന സ്ക്കൂൾ യുവജനോത്സവത്തിൽ കുമാരി ജിസ്സാ മേരി അബ്രഹം കവിതാ രചനയിൽ ഒന്നാം സ്ഥാനം നേടി. 1990-91 ൽ ഉപജില്ലാ കലോത്സവത്തിൽ ഈ സ്ക്കൂൾ ഓവറോൾ ട്രോഫി കരസ്ഥമാക്കി. 1991-92 ലും , 1992-93 ലും , 1995-96 ലും ,1996-97 ലും ഉപജില്ലാകലോത്സവത്തിൽ ഓവറോൾ ട്രോഫി കരസ്ഥമാക്കി. 2008-09, 2009-2010 വർഷങ്ങളിൽ ഉപജില്ലാകലോത്സവത്തിൽ യു.പി.വിഭാഗത്തിൽ ഓവറോൾ ട്രോഫി ലഭിക്കുകയുണ്ടായി. 2016-2017 ൽ ഉപജില്ലാ കലോത്സവത്തിൽ ഈ സ്ക്കൂൾH.S വിഭാഗത്തിലും, യു.പി. സംസ്കൃതോൽസവത്തിലും ഓവറോൾ ട്രോഫി കരസ്ഥമാക്കി.
കായികം
1994 ലെ സ്ക്കൂൾ കായിക മേള ടീം സബ് ജില്ലാ കായികമേളയിൽ ...സബ് ജൂനിയർ വിഭാഗത്തിൽ കുമാരി അൽഫോൻസാ റോസ് വ്യക്തിഗത ചാന്പ്യൻഷിപ്പ് നേടി. 1997-98 സ്ക്കൂൾ വർഷത്തിലെ ജില്ലാ സ്ക്കൂൾ കായികമേളയിൽ കുമാരി ജെമി ജോസ് 3000, 1500 മീറ്ററുകളിലും, കുമാരി നിഷാ .കെ. അലക്സ് 800 മീറ്ററിലും ഒന്നാം സ്ഥാനം നേടി. 2008-09, 2009-2010 വർഷങ്ങളിലും ജില്ലാ സ്പോഴ്സ് മീറ്റിൽ ഈ സ്ക്കൂളിലെ കുട്ടികൾ സമ്മാനങ്ങൾ കരസ്ഥമാക്കി. ശ്രീ.ജിമ്മി ജോസഫിന്റെ നേതൃത്വത്തിൽ കായിക പരിശീലനം വിജയകരമായി നടന്നു വരുന്നു. രാവിലെ എട്ടുമണിക്കുതന്നെ സാറും കുട്ടികളും ഗ്രൗണ്ടിലുണ്ടായിരിക്കും.2016-2017 ജില്ലാ സ്പോഴ്സ് മീറ്റിൽ ഈ സ്ക്കൂളിലെ കുട്ടികൾ സമ്മാനങ്ങൾ കരസ്ഥമാക്കി. 2017-2018 കൊഴുവനാൽ സബ് ജില്ലാകായികമേളയിൽ ഫുട്ബോളിൽ ഒന്നാം സ്ഥാനം കരസ്ഥമാക്കി ജില്ലാ സേഫ്റ്റ്ബോൾ ടീമിലേയ്ക്ക് മൂന്ന് കുട്ടികൾക്ക് സെലക്ഷൻ ലഭിച്ചു.
കെ.സി.എസ്.എൽ
കുട്ടികളുടെ വ്യക്തിത്വ വികസനത്തിനും സ്വഭാവ രൂപവത്കരണത്തിനും വളരെ സഹായിക്കുന്ന കെ.സി.എസ്.എൽ., മരിയൻ സൊഡാലിറ്റിയും നല്ല രീതിയിൽ പ്രവർത്തിച്ചു വരുന്നു. കെ.സി.എസ്.എൽ., ത്രിദിന ക്യാന്പുകളിൽ എല്ലാവർഷവും കുട്ടികൾ പങ്കെടുത്തുവരുന്നു. 2017-18 വർഷത്തിൽ കുട്ടികൾ ക്യാന്പിലും അൽഫോൻസാ കളറിംഗ് മത്സരത്തിലും പങ്കെടുത്തു.
പി.റ്റി.എ.
സ്ക്കൂളിലെ പി.റ്റി.എ. വളരെ സജീവമാണ്. SRI TOMY THANNIPARA അവർകളാണ് പി.റ്റി.എ. പ്രസിഡന്റായി സേവനമനുഷ്ഠിക്കുന്നത്.
ഇതരപ്രവർത്തനങ്ങൾ
വിദ്യാരംഗം കലാസാഹിത്യ വേദി
എല്ലാ ആഴ്ചയിലും നിർദ്ദേശിക്കപ്പെട്ട സമയങ്ങളിൽ സർഗ്ഗവേളയും ഇതര പഠനപ്രവർത്തനങ്ങളും നടത്തിവരുന്നു.
ആർട്ട്സ് ക്ലബ്
വിവിധ വർഷങ്ങളിൽ കുട്ടികൾ ഉപജില്ല, ജില്ലാ കലോൽസവങ്ങളിലും, പ്രവർത്തി പരിചയമേളയിലും പങ്കെടുത്ത് വിവിധ ഗ്രേഡുകൾ കരസ്ഥമാക്കുന്നു.
റെഡ് ക്രോസ്
എ-ലെവൽ 20 , ബി. ലെവൽ 20,സി. ലെവൽ 17ഉും കുട്ടികൾ പങ്കാളിതളാണ്.
സയൻസ് & എനർജി ക്ലബ്
40 സജീവപ്രവർത്തകരുടെ കൂട്ടായ്മയിൽ വിവിധ പഠനപ്രവർത്തനങ്ങൾ നടത്തിവരുന്നു.
സോഷ്യൽ സയൻസ് ക്ലബ്
ഉപജില്ല, ജില്ലാ മത്സരങ്ങളിൽ കുട്ടികൾ പങ്കെടുത്ത് നിരന്തരമായി വിവിധ ഗ്രേഡുകൾ കരസ്ഥമാക്കുന്നു.
അഡാർട്ട് ക്ലബ്
പാലാ രൂപതയുടെ കീഴിൽ പ്രവർത്തിക്കുന്ന ഈ ക്ലബ്ബുമായി ബന്ധപ്പെട്ട് ലഹരി വിരുദ്ധ സെമിനാറുകളും, ചിത്രരചന-ഉപന്യാസ മത്സരങ്ങൾ, ക്യാന്പുകൾ നടത്തിവരുന്നു.
മാത്സ് ക്ലബ്
60 കുട്ടികളുടെ കൂട്ടായ്മയിൽ പ്രവർത്തിക്കുന്ന ക്ലബിൽ ഗണിതാഭിമുഖ്യം വളർത്തുവാൻ ഉതകും വിധം ക്വിസുകളും ഇതര ഗണിത പ്രവർത്തനങ്ങളും നടത്തിവരുന്നു. ഉപജില്ലാ ജില്ലാ മത്സരത്തിൽ പങ്കെടുത്ത് വിവിധ ഗ്രേഡുകൾ കരസ്ഥമാക്കി..
ഐ.റ്റി. ക്ലബ്
കുട്ടികളിലെ ഐറ്റി നൈപുണ്യങ്ങൾ പരിപോഷിപ്പിക്കുന്നതിനും വിവര സാങ്കേതിക വിദ്യയിൽ പ്രാവീണ്യം നേടുന്നതിനുമായി ഐറ്റി ക്ലബ് പ്രവര്ത്തിക്കുന്നു.വെബ്പജ്ഡിസൈനിംഗ്,മലയാളംകമ്പ്യൂട്ടിംഗ്,ഡിജിറ്റൽ പെയിന്റിംങ്ങ്,മള്ട്ടിമീഡിയ പ്രസന്റേഷൻ എന്നിവയിൽ കുട്ടികള്ക്ക് പ്രത്യേകം പരിശീലനം നല് ഐ.റ്റി. മേളയിൽ കുട്ടികൾ സമ്മാനാർഹരാകുന്നു.
ആനിമൽ വെൽഫയർ ക്ലബ്
2013-14 വർഷത്തിൽ മറ്റക്കര മൃഗാശുപത്രീയുമായി സഹകരിച്ച് ആരംദിച്ച ആടുവളർത്തൽ പദ്ധതിയിൽ ഇപ്പോൾ 45 കുടുംബങ്ങൾ പങ്കാളികളാണ്. 2016-17ൽ ആരംദിച്ച കുഞ്ഞികൈയ്യിൽ കോഴിക്കുഞ്ഞ് പദ്ധതിയിൽ 50 കുടുംബങ്ങൾ പങ്കാളികളാണ്.
ഇംഗ്ലീഷ് ക്ലബ്
ക്ലബ് ദിനാചരണങ്ങൾ, പോസ്റ്റർ, പ്ലേകാർഡ് മത്സരങ്ങൾ നടത്തിവരുന്നു.
ഗൈംഡിങ്ങ്
രാഷ്ട്രപതി അവാർഡിന് അർഹരായവർ - 3 രാജ്യപുരസ്കാർ- അർഹരായവർ - 18 ത്രിദിയാ സോപാൻ അർഹരായവർ - 7 ദ്വിദിയ സോപാൻ അർഹരായവർ - 10 പ്രഥമ സോപാൻ അർഹരായവർ -14
പരിസ്ഥിതി ക്ലബ്
2016-17 ൽ പരിസ്ഥിതി ക്ലബ് ആഭിമുഖ്യ ത്തിൽ പച്ചക്കറിത്തോട്ടം ഒരുക്കി,ഈ അധ്യായനവർഷം സ്കുളിലെ ഉച്ചഭക്ഷണത്തിനുളള കറിക്കാവശ്യമായ പച്ചക്കറികൾ ഉണ്ടാക്കി.എന്നിവ കുട്ടികളുടെ സമഗ്ര വളർച്ച ലക്ഷ്യമാക്കി ഇവിടെ പ്രവർത്തിച്ചുകൊണ്ടിരിക്കുന്നു. വിജ്ഞാന വർദ്ധനവിന് ഉപകരിക്കുന്ന ഒരു നല്ല ലൈബ്രറിയും ഇവിടെയുണ്ട്.
വഴികാട്ടി
{{#multimaps:9.630377 ,76.644582| width=500px | zoom=16 }}