എസ്.എം.എച്ച്.എസ്. അയലൂർ/ചരിത്രം

എസ്.എം.എച്ച്.എസ്._അയലൂർരീമാൻ എ.എസ്. ശേഷാദ്രി അയ്യർ തന്റെ പിതാവിന്റെ   സ്മരണാർത്ഥം സ്വന്തം സ്ഥലമായ തലവെട്ടാംപാറയിൽ സ്ഥാപിച്ചതാണ് എസ്. എം. ഹൈസ്കൂൾ എന്ന ഈ സരസ്വതീ ക്ഷേത്രം. 1944 മുതൽ 1987 വരെ 43 വർഷം അദ്ദേഹം തന്നെയായിരുന്നു ഇതിന്റെ മാനേജർ.  1987 മുതൽ അദ്ദേഹത്തിന്റെ  പുത്രനായ  ശ്രീമാൻ നാരായണമൂർത്തി ആ സ്ഥാനം ഏറ്റെടുത്തു പ്രവർത്തിച്ചുവരുന്നു.1944ൽ ആരംഭിച്ച  ഈ വിദ്യാലയത്തിൽ  8, 9 ,10 എന്നീ ക്ലാസുകൾ മാത്രമേ ഉണ്ടായിരുന്നുള്ളൂ. 1945ൽ അന്നത്തെ വിദ്യാഭ്യാസ ഡയറക്ടറായിരുന്ന ശ്രീമാൻ ഐ .എൻ. മേനോൻ ആൺകുട്ടികൾക്ക് മാത്രമായി 5 ,6, 7 ക്ലാസുകൾ കൂടി അനുവദിച്ചു. മലയാള  അധ്യാപകനായ  ശ്രീ. അച്യുതൻകുട്ടിവാര്യർ രചിച്ച" സൂര്യനും സോമതാരകങ്ങളും" എന്ന് തുടങ്ങുന്ന പ്രാർത്ഥന  ഇന്നും തുടരുന്നു. ശ്രീ. കൃഷ്ണൻകുട്ടിവാര്യർ സ്കൂളിന്റെ ആഭ്യന്തരകാര്യങ്ങളിൽ വളരെ നല്ല നിലയിൽ പ്രവർത്തിച്ചു  വന്നിരുന്നു . തൊട്ടടുത്തുള്ള യൂണിയൻ ലൈബ്രറിയിലെ നല്ല പ്രവർത്തകനായിരുന്നു അദ്ദേഹം. അദ്ദേഹത്തിന്റെ പിതാവിന്റെ  സ്മരണാർത്ഥം  എല്ലാവർഷവും  അടച്ച സംഖ്യയുടെ  പലിശകൊണ്ട് സ്കൂളിലെ പത്താം തരത്തിൽ നിന്നും ഒന്നാമതായി വരുന്ന വിദ്യാർത്ഥിക്ക് സമ്മാനം  നൽകിവരുന്നു. ഈ വിദ്യാലയത്തിലെ  പൂർവ്വവിദ്യാർത്ഥികൾ  വളരെ  ഉന്നതരായി ജോലിനോക്കുന്നവരും  ഈ വിദ്യാലയത്തിൽതന്നെ  ജോലി ചെയ്യുന്നവരുമുണ്ട്.  അധ്യാപകരുടെയും വിദ്യാർത്ഥികളുടെയും രക്ഷാകർത്താക്കളുടെയും സഹകരണത്തോടെ പഠനം ,കല ,കായിക പ്രകടനങ്ങൾ എന്നിവയിൽ മികവ് പ്രകടിപ്പിച്ചു കൊണ്ട് മുന്നോട്ടു പോയ്ക്കൊണ്ടിരിക്കുകയാണ്  അഖിലേശ്വരന്റെ തട്ടകത്തിലെ ഈ വിദ്യാലയം