✰ അധ്യായനവർഷം 2023-2024

പ്രവേശനോത്സവം-2023

ഇത് പുതിയ തുടക്കം... പുത്തൻ അധ്യയന വർഷത്തിലെ പുത്തൻ പ്രതീക്ഷകളുമായി വിദ്യയുടെ മധുരം നുകരാൻ, തേൻ നുകരാനെത്തുന്ന ചിത്രശലഭങ്ങൾ എന്നപോലെ നാളെയുടെ പ്രതീക്ഷകൾ സ്കൂൾ അങ്കണത്തിലേക്ക്...

2023-24 അധ്യയനവർഷത്തിലെ പ്രവേശനോത്സവം നമ്മുടെ വിദ്യാലയത്തിൽ വർണാഭമായി ആഘോഷിച്ചു. അധ്യാപകർ സ്നേഹ ലാളനങ്ങളോടെ മധുരവും, സമ്മാനങ്ങളും നൽകി വിദ്യാർത്ഥികളെ അറിവിന്റെ തിരുമുറ്റത്തിലേക്ക്  ആനയിച്ചു. പ്രവേശനോത്സവ ഗാനം സ്കൂൾ അങ്കണത്തിൽ എന്നപോലെ വിദ്യാർഥികളുടെ മനസ്സിലും ആഹ്ലാദം പരത്തി ഒഴുകിനടന്നു. വിദ്യാലയം അലങ്കാരങ്ങൾ കൊണ്ട് മനോഹരമായി. രാവിലെ 9:30ന്പ്രവേശനോത്സവ പരിപാടികൾക്ക് നെയ്യാറ്റിൻകരയുടെ പ്രിയ എം.എൽ.എ ശ്രീ കെ ആൻസലൻ തിരി തെളിയിച്ചു. സ്കൂളിന്റെ ബഹു പ്രിൻസിപ്പൽ ദീപ്തി ടീച്ചർ സ്വാഗതം ആശംസിച്ച യോഗത്തിൽ പിടിഎ പ്രസിഡന്റ് ശ്രീ കെ.കെ ഷിബു  അദ്ധ്യക്ഷത വഹിച്ചു.നെയ്യാറ്റിൻകര വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ എം.എ സാദത്ത്, വാർഡ് കൗൺസിലർ ശ്രീ മഞ്ചത്തല സുരേഷ്, ഹെച്ച്. എം ശ്രീമതി ഉഷ ടീച്ചർ എന്നിവർ കുട്ടികൾക്ക് ആശംസകൾ നേർന്നു. സ്റ്റാഫ് സെക്രട്ടറി ശ്രീ മഹേഷ് സാർ യോഗത്തിൽ കൃതജ്ഞത രേഖപ്പെടുത്തി. സമ്മാനങ്ങൾ കയ്യിൽ പിടിച്ചു കൊണ്ട് ആത്മവിശ്വാസം നിറഞ്ഞ കണ്ണുകളോടെ പുഞ്ചിരിക്കുന്ന നവാഗതർ പ്രവേശനോത്സവ പരിപാടിയെ മറക്കാൻ കഴിയാത്ത ഒരു അനുഭവമാക്കി . പ്രവേശനോത്സവ പരിപാടികൾക്കൊപ്പം എസ്.എസ്.എൽ.സി പ്ലസ് ടു പരീക്ഷകൾക്ക് ഫുൾ എ പ്ലസ് വാങ്ങിയ വിദ്യാർത്ഥികളെയും പ്ലസ് ടു പരീക്ഷയിൽ 1200/1200 വാങ്ങിക്കൊണ്ട് സ്കൂളിന്റെ അഭിമാനമായി മാറിയ മൂന്ന് വിദ്യാർത്ഥികളെ ആദരിക്കുകയും ചെയ്യും. അവരുടെ വാക്കുകൾ കുട്ടികൾക്ക് എന്നും പ്രചോദനമാണ്. നവാഗതരെ ക്ലാസ് ടീച്ചർമാർ  ക്ലാസുകളിലേക്ക് സ്വീകരിച്ചു.
ഈ അധ്യായന വർഷം മുഴുവനും പഠനത്തോടുള്ള കുട്ടികളുടെ ആഹ്ലാദം നിലനിർത്താനായി ഈ പ്രവേശനോത്സവം സഹായകരമാകും എന്നത് തീർച്ച.

സ്കൂളിനെയും സമൂഹത്തിനെയും കൂടുതൽ ഉയരങ്ങളിലേക്ക് എത്തിക്കുന്ന മികവുകൾ കുട്ടികളിൽ നിന്ന് ഉണ്ടാവട്ടെ എന്ന് അവരെപ്പോലെ തന്നെ  അധ്യാപകരും ആഗ്രഹിക്കുന്നു... ആശംസിക്കുന്നു...

ജനസംഖ്യാ ദിനം - ജൂലൈ 11

https://youtu.be/_3C32wVAH9Q

✰ അധ്യായനവർഷം 2022-2023

പ്രവേശനോത്സവം

വേനൽ അവധി കഴിഞ്ഞ് പുത്തനുടുപ്പും പുത്തൻ പ്രതീക്ഷകളുമായി സ്കൂൾ അങ്കണത്തിലേക്ക് പ്രവേശിച്ച വിദ്യാർത്ഥികളെ പ്രത്യേകിച്ച് നവാഗതരെ സ്നേഹവും, വാൽസല്യവും, സമ്മാനങ്ങളും, മധുര പലഹാരങ്ങളുമായി, അധ്യാപകർ ഇരുകൈയ്യും നീട്ടി സ്വീകരിച്ചു.
       നമ്മുടെ സ്കൂളിലെ 2022-23 അധ്യായന വർഷത്തിലെ പ്രവേശനോത്സവം നെയ്യാറ്റിൻകരയുടെ ബഹു എംഎൽഎ കെ ആൻസലൻ ഉദ്ഘാടനം നിർവഹിച്ചു. പിടിഎ പ്രസിഡന്റ് അധ്യക്ഷത വഹിച്ച പ്രവേശനോത്സവ പരിപാടിയിൽ എച്ച് എം കല ടീച്ചർ  സ്വാഗതം ആശംസിച്ചു. കുട്ടികളുടെ വിവിധതരത്തിലുള്ള പരിപാടികൾ നമ്മുടെ പ്രവേശനോത്സവത്തിന് മാറ്റുകൂട്ടി. കൊറോണ കാലം കഴിഞ്ഞ് മികവിന്റെ ഒരു പുതിയ വർഷത്തിനായി നാമെല്ലാവരും ഒരുമിച്ച് മുന്നേറും എന്ന് ഉറക്കെ പ്രഖ്യാപിക്കുന്ന ഒരു ആഘോഷമായി പ്രവേശനോത്സവം മാറി.

പരിസ്ഥിതി ദിനാചരണം

           'ഒരേയൊരു ഭൂമി' എന്നെ സന്ദേശത്തിൽ ലോകം മുഴുവൻ പരിസ്ഥിതി ദിനം ആഘോഷിക്കുന്ന ഈ വേളയിൽ നമ്മുടെ സ്കൂളിലും നാളത്തെ പൗരന്മാരായ വിദ്യാർത്ഥികളിൽ പരിസ്ഥിതിയുടെ പ്രാധാന്യത്തെക്കുറിച്ച് അവബോധം സൃഷ്ടിക്കാനായി പരിസ്ഥിതി ദിനം വിപുലമായി ആഘോഷിച്ചു. എച്ച് എം കല ടീച്ചർ, പിടിഎ പ്രസിഡന്റ്, കൗൺസിലർ മഞ്ചത്തല സുരേഷ്, എന്നിവർ പരിപാടിയിൽ പങ്കെടുത്തു. വിദ്യാർത്ഥികൾക്കായി പരിസ്ഥിതി ദിന ഗാന മത്സരം,പോസ്റ്റർ രചന മത്സരം, ക്വിസ് മത്സരം,ഉപന്യാസ രചന മത്സരം, എന്നിവ നടത്തുകയുണ്ടായി. വിദ്യാർത്ഥികളും അധ്യാപകരും പരിസ്ഥിതി ദിനത്തിന്റെ പ്രാധാന്യത്തെക്കുറിച്ച് സംസാരിച്ചു.എല്ലാ വിദ്യാർത്ഥികളും അവരവരുടെ വീട്ടിൽ ഓരോ വൃക്ഷത്തൈ നട്ടു. പരിസ്ഥിതി ദിന പ്രത്യേക അസംബ്ലിയിൽ വിദ്യാർത്ഥികൾ പരിസ്ഥിതി ദിന പ്രതിജ്ഞ ചെയ്തു.

വായനദിനാചരണം

'വായിച്ചു വളരുക ചിന്തിച്ച് വിവേകം നേടുക' എന്ന സന്ദേശവുമായി ഒരു വായനദിനം കൂടി...

 ജൂൺ 20 രാവിലെ 11:30ന് സ്കൂൾ ഓഡിറ്റോറിയത്തിൽ വച്ച് "വായനാദിന മഹോത്സവം 2022" എന്ന പേരിൽ വായനാദിനാഘോഷം നമ്മുടെ സ്കൂളിൽ സംഘടിപ്പിച്ചു. വായനാദിന സന്ദേശം കുട്ടികൾക്കായി പകർന്നു നൽകിയത് അധ്യാപക പരിശീലകനായ ശ്രീ പത്മകുമാർ സാറാണ്. സാറിന്റെ അനുഭവജ്ഞാനം കുട്ടികൾക്ക് വായനയുടെ പ്രകാശദീപമായി മാറി. ചടങ്ങിൽ എച്ച് എം ശ്രീമതി കല ടീച്ചർ, പിടിഎ പ്രസിഡന്റ് ശ്രീ പി മധുകുമാരൻ നായർ എന്നിവർ ആശംസകൾ അർപ്പിച്ചു. വായന ദിനത്തിന്റെയും പ്രാധാന്യത്തെക്കുറിച്ചും, വായന നമുക്ക് നൽകുന്ന ഗുണങ്ങളെക്കുറിച്ചും കുട്ടികൾ സ്റ്റേജിൽ സംസാരിച്ചു. അവർ വായിച്ച പുസ്തകങ്ങളുടെ വായന അനുഭവവും കുട്ടികൾ പങ്കുവച്ചു. കൂടാതെ വായനാദിന പതിപ്പ്, എച്ച് എം, പത്മകുമാർ സാറിന് നൽകി പ്രകാശനം ചെയ്തു. വായനാദിനത്തോടനുബന്ധിച്ച് പ്ലക്കാർടുകൾ,പോസ്റ്റർ രചന മത്സരം ഉപന്യാസ രചനാ മത്സരം,ക്വിസ് മത്സരം, എന്നിവ അധ്യാപകരുടെ നേതൃത്വത്തിൽ സംഘടിപ്പിച്ചു.

യോഗാ ദിനാചരണം

നെയ്യാറ്റിൻകര ഗവൺമെൻറ് ഹയർ വിദ്യാലയത്തിൽ യോഗാ ദിനം ജൂൺ 21ന് ആചരിച്ചു. രാവിലെ 11:30ന് എൻസിസി ഓഫീസറായ ഷൈൻ സാർ സ്വാഗത പ്രസംഗം നടത്തി.അതിനുശേഷം മുഖ്യാതിഥിയായ കൗൺസിലർ മഞ്ചത്തല സുരേഷ് യോഗയുടെ ചരിത്ര പ്രാധാന്യം, തുടങ്ങിയവയെ കുറിച്ച് സംസാരിച്ചു തുടർന്ന്, എൻ സി സി , എസ് പി സി, ജൂനിയർ റെഡ് ക്രോസ്സിലെ അംഗങ്ങൾതുടങ്ങിയവർ യോഗാഭ്യാസത്തിനൽ പങ്കെടുത്തു.

ജനബോധൻ - 2022 ലഹരി വിരുദ്ധ റാലി

                  അനാഥരില്ലാത്ത ഭാരതത്തിന്റെയും കൊട്ടാരക്കര ആശ്രയ സങ്കേതം അഭയ കേന്ദ്രത്തിന്റെയും സംയുക്ത ആഭിമുഖ്യത്തിൽ നടത്തിവരുന്ന സമ്പൂർണ്ണ ലഹരി വിരുദ്ധ ബോധവൽക്കരണ യജ്ഞത്തിന്റെ ഭാഗമായി തിരുവനന്തപുരം മുതൽ കാസർഗോഡ് വരെ 140 അസംബ്ലി മണ്ഡലങ്ങളിലൂടെ കടന്നുപോകുന്ന ജനബോധൻ 2022 ലഹരി വിരുദ്ധ സന്ദേശയാത്ര നമ്മുടെ സ്കൂളിൽ എത്തുകയുണ്ടായി. തുടർന്ന്,ലഹരി ഉപയോഗത്തിന്റെ ദൂഷ്യവശങ്ങളെക്കുറിച്ച് കുട്ടികളെ ബോധവൽക്കരണപ്പെടുത്തുന്നതിന്റെ ഭാഗമായി ഒരു ലഹരി വിരുദ്ധ സ്കിറ്റ് നടന്നു. ലഹരി ഉപയോഗത്തിന് തുടർന്നുണ്ടാകുന്ന പ്രശ്നങ്ങളെക്കുറിച്ച് ലളിതമായി കുട്ടികൾക്ക് മനസ്സിലാക്കി കൊടുക്കുന്ന മനോഹരമായ ഒരു പരിപാടിയായിരുന്നു ഇത്.

ആസാദി കാ അമൃത് മഹോത്സവ്

സ്വാതന്ത്ര്യദിനാഘോഷം

ഓണാഘോഷം

കഴിഞ്ഞ രണ്ടു വർഷങ്ങളിലായി നഷ്ടപെട്ട ഓണാഘോഷ പരിപാടികൾ. വളരെ സന്തോഷത്തോടെ ആഘോഷിച്ചു.

കേരളപ്പിറവി

ദൃശ്യവിസ്മയമൊരുക്കി ഈ കേരളപ്പിറവി ദിനം :- ലഹരിക്കെതിരെ ക്യാൻവാസിൽ സന്ദേശം + മനുഷ്യച്ചങ്ങല + ഫ്ലാഷ് മോബ് + മൈമുകൾ + ഗാനാലാപനം + കവിതാലാപനം...

ശിശുദിനം

ക്രിസ്തുമസ്

റിപ്പബ്ലിക് ഡേ

ഹിരോഷിമ ദിനാചരണം

സ്പോർട്സ് ഡേ

മികവുത്സവം

]]]]

നോളട്ജ് ചലഞ്ച്

വിദ്യാർത്ഥികളിൽ പൊതുവിജ്ഞാനം വർദ്ധിപ്പിക്കുന്നതിനായി സാമൂഹികശാസ്ത്ര ക്ലബ്ബ് നടത്തിവരുന്ന ക്വിസ് പരമ്പരയാണ് നോളജ് ചലഞ്ച്.വിജയികളായ കുട്ടികൾക്ക് പ്രോത്സാഹന സമ്മാനങ്ങൾ നൽകുന്നു.

മുഖ്യമന്ത്രിയുടെ ലഹരി വിരുദ്ധ സന്ദേശ പ്രദർശനം

ലഹരി വിരുദ്ധ ക്യാമ്പയിൻ

ലഹരിവിരുദ്ധ ക്യാമ്പയിനുമായി ബന്ധപ്പെട്ട് നടത്തിയ പ്രവർത്തനങ്ങൾ കാണാനായി ഇവിടെ ക്ലിക്ക് ചെയ്യുക.

സ്കൂൾ കലോത്സവം

റോബോട്ടിക് എക്സിബിഷൻ

ക്ലാസ് പിടിഎ

ഓരോ പരീക്ഷകൾക്ക് ശേഷവും, രക്ഷകർത്താക്കളുമായി അധ്യാപകർ സംവദിക്കുന്നു...