ഗവ.വൊക്കേഷണൽ.എച്ച് .എസ്.എസ്.എടയന്നൂർ/അക്ഷരവൃക്ഷം/ആധിയുടെ കൊറോണക്കാലം

ആധിയുടെ കൊറോണക്കാലം          ശാന്തമാം നഗരത്തെ കണ്ടത്ഭുതപ്പെട്ടെന്നവണ്ണം നിശ്ചലമാം മരത്തിന്റെ ശാഖയിൽ തത്തിയിരിക്കുന്ന പച്ചപ്പന- ങ്കിളിയോട്ചോദിച്ചു; ആആൽമരം എന്തുപറ്റിയീപാരിലീനഗര- മിവണ്ണം ശാന്തമാകുവാൻ മാത്രം ? ഫാക്ടറിതൻ കുഴലുകൾ പുക വമിക്കുന്നില്ല. എൻ തണൽ പങ്കിടാൻ മാനുഷരില്ല.  ദ്രുതവേഗത്തിൽപ്പായുന്ന വാഹനങ്ങളില്ല താഴിട്ടു പുട്ടിയ വാതിലുകൾ  നിശ്ചലമായിരിക്കുന്നു . സ്കൂളുകളില്ല, കലാലയങ്ങളില്ല, കൊച്ചുകുട്ടികൾതൻ- കളകളാരവങ്ങളില്ല. എന്തുപറ്റിയിപാരിലീനഗര- മിവണ്ണം ശാന്തമാകുവാൻ മാത്രം ?  നാടാകെ ഭയന്നിരിക്കുന്നു, പാരിലാകെ പടർന്നിരിക്കുന്നു, കൊറോണയെന്നൊരു  വൈറസ്. പകരാതിരിക്കാൻ, പകർത്താതിരിക്കാൻ മാനുഷരെല്ലാം വീട്ടിനുള്ളിൽ. നാടും നഗരവും എല്ലാം ശാന്തം മനുഷ്യമനസോ എന്നാൽ അശാന്തം. വൻ ശക്തികളെന്നു ഭാവിച്ചവർപോലും വ്യാധിക്കുമുൻപിൽ തകർന്നടിയുന്നു. ഓഖിയും പ്രളയവും നിപയും തരണംചെയ്ത കൊച്ചുകേരളം. മാനുഷജന്മങ്ങൾ ഓർത്തു- പെരുക്കുന്നു പോംവഴികൾ. നിഴൽവീണ വഴികളിൽ പ്രകാശം തെളിച്ചുകൊണ്ടാ- രോഗ്യപ്രവർത്തകർ മുന്നേറുന്നു. തുടിക്കും ഹൃദയം നിലയ്ക്കുംവരെ പൊരുതാം ഏവർക്കും കൊറോണക്കെതിരെ.                                                                                                               ആര്യനന്ദ.കെ 8 D ഗവ.വൊക്കേഷണൽ.എച്ച് .എസ്.എസ്.എടയന്നൂർ മട്ടന്നൂർ ഉപജില്ല കണ്ണൂർ അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - supriyap തീയ്യതി: 05/ 05/ 2020 >> രചനാവിഭാഗം - കവിത