ഗവ. എൽ.പി.എസ്. ഉറിയാക്കോട്/സൗകര്യങ്ങൾ

പ്രീപ്രൈമറി ഉൾപ്പെടെ ഒന്ന് മുതൽ നാല് വരെ ക്ലാസുകളിലായി 136 കുട്ടികൾ പഠിക്കുന്ന സ്കൂളിൽ ബഹു. അരുവിക്കര നിയോജക മണ്ഡലം എം.എൽ.എ. ശ്രീ. ജി. സ്റ്റീഫന്റെ പ്രവർത്തന ഫണ്ടിൽ നിന്നുും 1 കോടി 20 ലക്ഷം രൂപ ചെലവാക്കി നിർമ്മിച്ച പുതിയ ഇരുനില കെട്ടിടം ഉൾപ്പെടെ 3 കെട്ടിടങ്ങൾ സ്കൂളിൽ ഉണ്ട്.

സ്കൂളിൽ 7 ക്ലാസ് റൂമുകളും ഒരു ഓഫീസ് റൂമും ഒരു ഡൈനിംഗ് റൂമും അടുക്കളയും ഉണ്ട്.
റൂമുകളെല്ലാം വൈദ്യുതീകരിച്ചവയാണ്. ഫാ൯, ലൈറ്റ് എന്നിവ എല്ലാ റൂമുകളിലും ലഭ്യമാണ്.
പ്രാഥമിക ആവശ്യങ്ങൾ നിറവേറ്റുന്നതിനായി കുഞ്ഞുങ്ങൾക്ക് 5 യൂറിനലും നാല് ലാട്രിനും ഉണ്ട്.
കുടിവെള്ള സ്രോതസ്സുകൾ കിണർ ലഭ്യമാണ്.
മാലിന്യങ്ങൾ ബക്കറ്റ് കമ്പോസ്റ്റിൽ നിർമ്മാർജ്ജനം ചെയ്യുന്നു.
സുരക്ഷിതവും ആവശ്യാനുസരണം ഉപയോഗിക്കുവാ൯ കഴിയുന്ന തരത്തിലുള്ള കുടിവെള്ള സൗകര്യം ഒരിക്കിയിട്ടുണ്ട്.
സ്കൂൾ കെട്ടിടത്തിനു ചുറ്റും ചുറ്റുമതിൽ ഉണ്ടെങ്കിലും പൂർണമല്ല. കളിസ്ഥലം കുറവാണ്.
കുഞ്ഞുങ്ങൾക്ക് ഉതകുന്ന രീതിയിൽ ചെറിയ തരത്തിലുള്ള പാർക്ക് സജ്ജീകരിച്ചിട്ടുണ്ട്.
കാപ്പിക്കാട്, പൊന്നെടുത്തകുഴി, നെടിയവിള, ഇറയംകോട്, അരശുംമൂട്, ഊറ്റുകുഴി തുടങ്ങി 5 കി. മീറ്റർ ചുറ്റളവിലുള്ള സ്ഥലങ്ങളിൽ നിന്ന് കുട്ടികളെ സ്കൂളിലെത്തിക്കുന്നതിന് ഒരു സ്കൂൾ ബസ് സ്കൂളിന് സ്വന്തമായുണ്ട്.
കംപ്യൂട്ടർ പഠനം കുട്ടികൾക്ക് നൽകുന്നതിനായി KITE ൽ നിന്നും ലഭിച്ച അഞ്ച് ലാപ് ടോപ്പുകളും രണ്ട് പ്രൊജക്ടുകളും സ്കൂളിനുണ്ട്.
സയൻസ് ലാബ്, ഗണിതം ലാബ് എന്നിവ പ്രത്യേകമായി സജ്ജീകരിച്ചിരിക്കുന്നു.