ഗവ. യു. പി. എസ് ഊരുട്ടമ്പലം/പ്രവർത്തനങ്ങൾ/ക്ലാസ് പി ടി എ സെപ്റ്റംബർ

പാദവാർഷിക വിലയിരുത്തലിന് ശേഷമുള്ള ക്ലാസ് പി ടി എ സെപ്റ്റംബർ 19 ചൊവ്വാഴ്ച സംഘടിപ്പിച്ചു. ഉച്ചയ്ക്കു 1.15 മുതൽ ക്ലാസ് തലത്തിലുള്ള ചർച്ചകൾ ആരംഭിച്ചു. അധ്യക്ഷൻ , സ്വാഗതം , ക്ലാസ് തല പ്രവർത്തനങ്ങളുടെ അവതരണം , നന്ദി എന്നിവ കുഞ്ഞുങ്ങളുടെ നേതൃത്വത്തിലായിരുന്നു. ക്ലാസ് തല സ്കൂൾ തല പ്രവർത്തനങ്ങളിലെ പങ്കാളിത്തം , കുഞ്ഞുങ്ങളുടെ പഠനപുരോഗതി എന്നിവ ക്ലാസധ്യാപകർ രക്ഷാകർത്താക്കളുമായി പങ്കു വയ്ച്ചു. 2.15 മുതൽ പൊതുവായ സെഷൻ പി ടി എ പ്രസിഡന്റ് ബ്രൂസിന്റെ അധ്യക്ഷതയിലും എം പി ടി എ ചെയർപേഴ്സൺ ഷീബയുടെ സാന്നിധ്യത്തിലും നടന്നു. പ്രഥമാധ്യാപകൻ സ്റ്റുവർട്ട് ഹാരീസ് കുഞ്ഞുങ്ങളുടെ സ്വഭാവ രൂപീകരണത്തിൽ രക്ഷാകർത്താക്കളുടെ പങ്ക് ,കുഞ്ഞുങ്ങളെ പഠനമികവിലേയ്ക്കുയർത്താൻ എങ്ങനെ സഹായിക്കാം എന്നിവയെ ആസ്പദമാക്കി ഏകദേശം ഒരു മണിക്കൂർ സംസാരിച്ചു.നൂറിലധികം രക്ഷാകർത്താക്കൽ ക്ലാസ് പി ടി എ യിൽ പങ്കെടുത്തു.

പ്രഥമാധ്യാപകന്റെ ക്ലാസ്

കുഞ്ഞുങ്ങളുടെ സ്വഭാവ രൂപീകരണത്തിൽ രക്ഷാകർത്താക്കളുടെ പങ്ക്

വിദ്യാലയ മികവുകൾ

ഇന്ന് കേരളത്തിൽ അറിയപ്പെടുന്ന വിദ്യാലയമാണ് നമ്മുടെ വിദ്യാലയം
രണ്ടു വിധത്തിലാണ് അറിയപ്പെടുന്നത് മഹാത്മാ അയ്യൻകാളിയുടെയും പഞ്ചമിയുടെയും പേരിൽ അറിയപ്പെടുന്ന കേരളത്തിലെ ഏക വിദ്യാലയമാണിത്. മികവാർന്ന പ്രവർത്തനങ്ങൾ നടപ്പിലാക്കുന്നവിദ്യാലയമാണിത്.
സബ് ജില്ലയിലെ മികച്ച പി ടി എ അവാർഡ് , ഗാന്ധിദർശൻ മികച്ച റിപ്പോർട്ട് , മികച്ച കൺവീനർ , ഇന്നവേറ്റീവ് സ്കൂൾ അവാർഡ് , ടാലന്റ് ഹണ്ട് മണ്ഡലത്തിൽ ഒന്നാംസ്ഥാനം , പ്രേം ചന്ദ് ദിന പോസ്റ്റർ രചന സബ് ജില്ലയിൽ ഒന്നാം സ്ഥാനം.....
പുസ്തക ചങ്ങാതി , ഡയാറിയം , വാർത്തകൾക്കപ്പുറം
ക്രാഫ്റ്റ് പരിശീലനം , സംഗീത പരിശീലനം , കളരി പരിശീലനം
ചിത്ര രചന .കരാട്ടെ , ഡാൻസ് പരിശീലനം
ക്ലബ്ബുകൾ
ഹൗസടിസ്ഥാനത്തിൽ മത്സരങ്ങൾ
സ്പെഷ്യൽ യൂണിഫോം
ദിനാചരണ പ്രവർത്തനങ്ങൾ

വിദ്യാലയം നേരിടുന്ന പ്രശ്നങ്ങൾ

പ്രവർത്തനങ്ങളിൽ കുട്ടികളുടെ പങ്കാളിത്തം കുറവാണ്
പഠനത്തിൽ മികവ് പുലർത്താൻ കഴിയുന്നില്ല
ക്ലാസ് മുറികളിലും പുറത്തും അച്ചടക്കം പാലിക്കുന്നില്ല.
യൂണിഫോം ധരിക്കുന്നില്ല
അധ്യാപകർ നൽകുന്ന നിർദേശങ്ങൾ പാലിക്കുന്നില്ല
സഭ്യമല്ലാത്ത ഭാഷ പ്രയോഗിക്കുന്നു
പാഠപുസ്തകം, നോട്ട് ബുക്ക് ഇവ കൊണ്ടു വരുന്നില്ല

എന്തു കൊണ്ടായിരിക്കാം നമ്മുടെ മക്കൾ ഇങ്ങനെയൊക്കെ പെരുമാറുന്നത് ? കുട്ടികൾ ഇങ്ങനെയൊക്കെ ആകുന്നതിനുള്ള കാരണം അവർ തന്നെയാണോ? അതോ മാതാപിതാക്കൾക്ക് കുഞ്ഞുങ്ങളുടെ സ്വഭാവ വൈക‍ൃതത്തിൽ എന്തെങ്കിലം പങ്കുണ്ടോ?

മാതാപിതാക്കളുടെ സമീപനം ,കുടുംബാന്തരീക്ഷം ,അവർ വളരുന്ന സാമ്പത്തിക സാമൂഹിക സാഹചര്യങ്ങൾ ഇവയെല്ലാം കുട്ടിയുടെ സ്വഭാവ രൂപീകരണത്തെ സ്വാധീനിക്കുന്ന ഘടകങ്ങളാണ് .

ഒാരോ രാജ്യത്തിനും ആ രാജ്യത്തിന്റെ പ്രതിനിധിയായി മറ്റു രാജ്യങ്ങളിൽ ഒാരോ അംബാസിഡർമാരുണ്ടാകും . ഇതു പോലെ പൊതു സമൂഹത്തിൽ നമ്മുടെ കുടുംബത്തെ പ്രതിനിധീകരിക്കുന്ന അംബാസിഡർമാരാണ് നമ്മുടെ മക്കൾ .അവരുടെ പൊതു സമൂഹത്തിലെ ഇടപെടലുകൾ , പെരുമാറ്റങ്ങൾ എന്നിവ നമ്മെയും നമ്മുടെ കുടുംബത്തെയും പൊതു സമൂഹം വിലയിരുത്തുന്ന സൂചികയാണ് എന്ന യാഥാർത്ഥ്യം നാം തിരിച്ചറിയണം

രക്ഷിതാവിന്റെ സ്വഭാവ സവിശേഷതകൾ കുട്ടിയുടെ വളർച്ചയെ എങ്ങനെയെല്ലാം സ്വാധീനിക്കുന്നു?

എനിക്ക് സ്നേഹം പ്രകടിപ്പിക്കാൻ ഇഷ്ടമല്ല . ഞാൻ സ്നേഹം ഉള്ളിലൊതുക്കുകയാണ് പതിവ് .

ചില രക്ഷാകർത്താക്കളുടെ നിലപാടിണിത് . നിങ്ങൾ ഇതിനോട് യോജിക്കുന്നുണ്ടോ?

രക്ഷാകർത്താക്കൾ നാലു തരമുണ്ട്

സ്വേച്ഛാധിപത്യ രക്ഷാകർതൃത്വം AUTHORITARIAN – ഇവർ സ്വേച്ഛാധിപതികളായിരിക്കും . കടുത്ത നിയമങ്ങളും അമിത പ്രതീക്ഷകളും ഇവർക്കുണ്ടായിരിക്കും .നിർബന്ധബുദ്ധികളായിരിക്കും . കടുത്ത ശിക്ഷ നൽകും .പെരുമാറ്റത്തിൽ ഊഷ്മളതയോ പരിപോഷിക്കലോ ഇല്ല.

ഇവരുടെ കുഞ്ഞുങ്ങൾ അമിത ദേഷ്യക്കാരായിരിക്കും . മറ്റു കുട്ടികളെ ഉപദ്രവിക്കുന്നവരായിരിക്കും . ആത്മ വിശ്വാസം ഉണ്ടാകില്ല

ആധികാരിക രക്ഷാകർതൃത്വം AUTHORITATIVE - ശ്രദ്ധയോടെ കേൾക്കും . പരിധി വച്ചും വരും വരായ്കൾ ആലോചിച്ചും കുട്ടികളുടെ സ്വഭാവത്തിൽ ഇടപെടും .കുട്ടികളോട് സ്നേഹത്തോടെ ഇടപെടും . കുട്ടികൾക്ക് അവരുടേതായ നല്ല വഴികൾ തെരഞ്ഞെടുക്കാൻ അനുവദിക്കും . ഇത്തരം രക്ഷിതാക്കളുടെ കുട്ടികൾ ആത്മവിശ്വാസവും ക്ഷമാശീലവും ഉള്ളവരായിരിക്കും .ഉത്തരവാദിത്തങ്ങൾ ഏറ്റെടുക്കുന്നവരായിരിക്കും .
അനുവദനീയമായ രക്ഷാകർതൃത്വം PERMISSIVE - കുട്ടികളോട് സുഹൃത്തിനെപോലെ പെരുമാറും . കാര്യമായ നിയമങ്ങളില്ല . അമിത സ്നേഹം പ്രകടിപ്പിക്കും . ഇത്തരക്കാരുടെ കുട്ടികൾ . സ്വയം അച്ചടക്കം പാലിക്കും . സാമൂഹ്യ നൈപുണി കുറയും . സുരക്ഷിതബോധം കുറയും .
ഉൾപ്പെടാത്ത രക്ഷാകർതൃത്വം NEGLECTFUL– കുട്ടികളുമായി വൈകാരിക ബന്ധമില്ല . അമിതസ്നേഹമോ അമിതവെറുപ്പോ ഇവർക്കില്ല . കുട്ടിയെക്കുറിച്ചോ സ്വഭാവത്തെക്കുറിച്ചോ യാതൊരു പ്രതീക്ഷയും ഇല്ല . ഇത്തരംകുട്ടികൾ സ്വയം കാര്യം നോക്കും . ഭയങ്കര പിരിമുറുക്കമുള്ളവരായിരിക്കും . വൈകാരിക ബന്ധങ്ങൾ ഇല്ലാത്തവരായിരിക്കും ഇവരിൽ ആരാണ് നിങ്ങൾ ?

കുട്ടികളുടെ സ്വഭാവ രൂപീകരണത്തിൽ നമുക്ക് നല്ല പങ്കുണ്ട്. നമ്മുടെ ഇടപെടലുകൾ , പെരുമാറ്റം ...... കുട്ടിയുടെ വളർച്ചയെ സ്വാധീനിക്കുന്നുണ്ട് .

അച്ചനും അമ്മയും തമ്മിലുള്ള വഴക്ക് ..... അച്ചനമ്മമാരുടെ ഭാഷാ പ്രയോഗം ....... അച്ചനമ്മമാരുടെ മറ്റുള്ളവരോടുള്ള ഇടപെടലുകൾ......

ഒരു കുട്ടിയുടെ സ്വഭാവ രൂപീകരണം ചുവരിൽ എറിയുന്ന പന്തു പോലെയാണ് . ചുവരിൽ ഏതു രീതിയാലാണോ പന്ത് എറിയുന്നത് അതുപോ ലെ തിരിച്ചു വരും .ഇതുപോലെയാണ് മക്കളുടെ സ്വഭാവരൂപീകരണവും .

വിമർശനവും നിരൂപണങ്ങളും മാത്രം കേട്ടു വളരുന്ന കുട്ടി - നിന്ദിക്കാൻ പഠിക്കും

വൈരവും ശത്രുതയും കണ്ടു വളർന്നാൽ - വഴക്കടിക്കാൻ പഠിക്കും

അപമാനം സഹിച്ചു വളർന്നാൽ - കുറ്റവാളിയാകും

സഹനാന്തരീക്ഷത്തിൽ വളർന്നാൽ - ക്ഷമിക്കാൻ പഠിക്കും

പ്രോത്സാഹനം നൽകി വളർത്തിയാൽ - ആത്മ വിശ്വാസം കൂടും

പ്രശംസിച്ചു വളർത്തിയാൽ - അഭിനന്ദിക്കാൻ പഠിക്കും

സുരക്ഷിത ബോധത്തോടെ വളർത്തിയാൽ - ആത്മധൈര്യം കൂടും

അംഗീകാരം കിട്ടിയാൽ - സ്വയം ഇഷ്ടപ്പെടാൻ പഠിക്കും

കുട്ടിയോട് എങ്ങനെ പെരുമാറണം ?

അളവില്ലാതെ സനേഹിക്കുക
ചിട്ടകളും ശീലങ്ങളും വളർത്തിയെടുക്കുക
കുട്ടിയോടൊപ്പം സമയം ചെലവഴിക്കുക
അച്ചനമ്മമാർ പരസ്പരം സ്നേഹിക്കുക
ജീവിതമൂല്യങ്ങൾ പഠിപ്പിക്കുക
പരസ്പരം സഹായിക്കുക
കുട്ടിയെ കേൾക്കുക
പ്രതിസന്ധിയിൽ സഹായിക്കുക
തീരുമെനമെടുക്കാനുള്ള സ്വാതന്ത്ര്യം നൽകണം
യാഥാർത്ഥ്യബോധം നൽകണം