2022-2023 അധ്യയന വർഷത്തിലെ പ്രവർത്തനങ്ങൾ

പ്രവേശനോൽസവം

പുതിയ അധ്യയനവർഷാരംഭത്തിന്റെ ഭാഗമായി ഇരുമ്പുഴി ഗവ.ഹയർ സെക്കണ്ടറി സ്കൂളിൽ നടന്ന പ്രവേശനോത്സവം വിദ്യാർത്ഥികൾക്കും രക്ഷിതാക്കൾക്കും നവ്യാനുഭവമായി.

സ്കൂൾ വർണ്ണങ്ങളും തോരണങ്ങളും കൊണ്ട് മനോഹരമായി അലങ്കരിച്ചിരുന്നു. പുതുതായി വരുന്ന കുട്ടികളെ എസ്.പി.സി കേഡറ്റുകൾ സ്വീകരിച്ച് ഓഡിറ്റോറിയത്തിലേക്കാനയിച്ചു. കുട്ടികളുടെ വിവിധ കലാപരിപാടികൾ അരങ്ങേറി. എൻ.എം.എം.എസ്, യു എസ് എസ് വിജയികൾക്ക് ഉപഹാരം നൽകി

ചടങ്ങുകൾ പ്രിൻസിപ്പാൾ ഡോ.പി.എം.അനിൽ മാസ്റ്റർ ഉദ്ഘാടനം ചെയ്തു. പി.ടി.എ പ്രസിഡണ്ട് കെ.എം ബഷീർ അദ്ധ്യക്ഷത വഹിച്ചു. ബ്ലോക് പഞ്ചായത്ത് മെമ്പർ പി.ബി. ബഷീർ, ആനക്കയം പഞ്ചായത്ത് വികസന കാര്യസമിതി ചെയർമാൻ യു. മൂസ്സ, പി.ടി.എ വൈസ് പ്രസിഡണ്ട് സി.കെ. മമ്മു, എസ്.എം.സി ചെയർമാൻ അബ്ദുൽ ഹമീദ്, എം.ടി.എ പ്രസിഡണ്ട് ഷബ്ന, എക്സിക്യുട്ടീവ് അംഗങ്ങളായ മുസ്തഫ, ഫിറോസ്, ഹയർ സെക്കണ്ടറി വിഭാഗം സ്റ്റാഫ് സെക്രട്ടറി ബിന്ദു, സീനിയർ ടീച്ചർ പി.ഡി മാത്യു, സ്റ്റാഫ് സെക്രട്ടറി എം. അബ്ദുൽ മുനീർ, അധ്യാപകരായ കെ.അബ്ദുൽ ജലീൽ , പി. സ്നേഹലത, പി.കെ.സിജി, കെ.പി.മുഹമ്മദ് സാലിം, കെ.വിജീഷ്, ഉണ്ണികൃഷ്ണൻ തുടങ്ങിയവർ ആശംസകളർപ്പിച്ചു. ഹെഡ് മാസ്റ്റർ ശശികുമാർ സ്വാഗതവും ടി.എ. റഷീദ് നന്ദിയും പറഞ്ഞു. കലാവിരുന്നിന് പ്രശസ്ത ഗായിക കുമാരി ടി. ഹരിത നേതൃത്വം നൽകി.

NMMS, USS ജേതാക്കളെ ആദരിച്ചു.

ഇരുമ്പുഴി ഗവ. ഹയർസെക്കണ്ടറി സ്കൂളിൽ കഴിഞ്ഞ വർഷം എട്ടാം ക്ലാസിൽ നിന്നും നാഷണൽ മീൻസ് കം മെറിറ്റ്സ് സ്കോളർഷിപ്പ് (NMMS)പരീക്ഷയിൽ വിജയിച്ചവരെയും, വിവിധ സ്കൂളുകളിൽനിന്ന് അപ്പർ സെക്കണ്ടറി സ്കോളർഷിപ്പ് (USS) നേടിയ ഇപ്പോൾ 9ാം ക്ലാസിലേക്ക് വിജയിച്ചുവന്ന വിദ്യാർഥി-വിദ്യാർഥിനികളെയും സ്കൂൾ പ്രവേശനോത്സവത്തിൽ ആദരിച്ചു. മൂന്ന് പേർ NMMS ഉം 13 പേർ USS ഉം നേടി. ചടങ്ങിൽ വെച്ച് ജനപ്രതിനിധികളും പി.ടി.എ എക്സിക്യൂട്ടീവ് അംഗങ്ങളും വിദ്യാർഥികൾക്ക് മെമെന്റോ നൽകി.

ജൂൺ 5 - പരിസ്ഥിതി ദിനം

'പാഠം ഒന്ന് പാടം' - ബോധവൽകരണയാത്ര

പരിസ്ഥിതിദിനത്തോടനുബന്ധിച്ചുള്ള ബോധവൽക്കരണയാത്ര

ജൂൺ 5 ലോക പരിസ്ഥിതി ദിനത്തിൽ എസ്.പി.സി കേഡറ്റുകളും ജെ ആർ സി അംഗങ്ങളും പരിസ്ഥിതി ക്ലബ്ബുമായി ചേർന്ന് നടത്തിയ പരിപാടി വേറിട്ട അനുഭവമായി. കൃഷിയറിവുകൾ അനുഭവിച്ചറിയാൻ അവർ അന്നേദിവസം പാടത്തേക്കിറങ്ങി. "പാഠം ഒന്ന് പാടം " എന്ന മുദ്രാവാക്യവുമായി സ്കൂളിൽനിന്നും 2 കിലോമീറ്റർ അകലെയുള്ള കൃഷിയിടത്തിലേക്ക് കാൽനടയായി ബാനറുകളും പ്ലക്കാർഡുകളുമായി പരിസ്ഥിതി ദിന സന്ദേശഗാനവും ആലപിച്ചുകൊണ്ടാണ് കുട്ടികൾ എത്തിയത് . പാണായി കരിക്കാ കുളത്തിന്റെ സമീപത്തുള്ള പാടത്തിലേക്ക് യാദൃശ്ചികമായി കുട്ടികളെത്തിയത് നാട്ടുകാരിൽ കൗതുകമുണർത്തി. മണ്ണും തോടും കുളവും പാടങ്ങളും കണ്ടും തൊട്ടറിഞ്ഞുമുള്ള ഈ യാത്ര കുട്ടികൾക്കും നവ്യാനുഭവമായി. കൃഷിയുമായി ബന്ധപ്പെട്ട ധാരാളം നാട്ടറിവുകൾ പാരമ്പര്യ കൃഷി രീതികൾ കാർഷിക കാലങ്ങൾ കാർഷിക രംഗത്തെ നൂതന പ്രവണതകൾ എന്നിവ അഭിമുഖത്തിലൂടെ കുട്ടികൾ മനസ്സിലാക്കി.

നിരവധി വർഷങ്ങളായി കൃഷി ചെയ്തു വരുന്ന മാതൃകാ കർഷകൻ സി.എം ബീരാൻ കുട്ടി, നീണ്ട പ്രവാസത്തിന് ശേഷം കൃഷി പുന:രാരംഭിച്ച കെ എം. ഹുസൈൻ എന്നിവരെ പ്രത്യേകം ആദരിക്കുകയും സ്കൂളിൻറെ ഉപഹാരം നൽകുകയും ചെയ്തതാണ് കുട്ടികൾ മടങ്ങിയത്.

യാത്ര സ്കൂളിലെ സീനിയർ അധ്യാപകൻ പി ഡി മാത്യു വിന്റെ സാന്നിധ്യത്തിൽ ഹെഡ് മാസ്റ്റർ കെ.ശശി കുമാർ ഉദ്ഘാടനം ചെയ്തു. പി.ടി.എ പ്രസിഡണ്ട് കെ.എം. ബഷീർ, എം.ടി.എ പ്രസിഡണ്ട് ഷബ്ന എസ്.പി.സി സി.പി. ഒ മാരായ കെ.പി മുഹമ്മദ് സാലിം, പി. സ്നേഹലത, സ്റ്റാഫ് സെക്രട്ടറി എം. അബ്ദുൽ മുനീർ, കെ.അബ്ദുൽ ജലീൽ, ടി. അബ്ദുൽ റഷീദ് എന്നിവർ നേതൃത്വം നൽകി.

മൺസൂൺകാല ഫുട്ബോൾ മത്സരങ്ങൾ

ലോക്ഡൗൺ കാലത്തിന് മുമ്പ് കൊല്ലം തോറും നടന്നുവന്നിരുന്ന ക്ലാസുകൾ തമ്മിലുള്ള മൺസൂൺ ഫുട്ബോൾ മത്സരങ്ങൾ ഈ വർഷവും നടന്നു. ഹെഡ് മാസ്റ്റർ ശ്രീ. ശശികുമാർ മത്സരം ഉദ്ഘാടനം ചെയ്തു. 10 B യും 10 E യും തമ്മിലായിരുന്നു ആദ്യ മത്സരം. മത്സരത്തിൽ ആദ്യകളികളിൽ 10 Dയും 10 Bയും വിജയികളായി. കായികാധ്യാപകൻ എം. അബ്ദുൽ മുനീർ , ടി. അബ്ദുൽ റഷീദ്, കെ. അബ്ദുൽ ജലീൽ , കെ.പി.മുഹമ്മദ് സാലിം, സി.കെ. അബ്ദുൽ ലത്തീഫ്, എം. മധുസൂദനൻ, പി.ഡി മാത്യു, കെ. അരുൺ എന്നീ അധ്യാപകർ നേതൃത്വം നൽകി.

സ്ക്കൂൾ പാർലമെന്റ് ഇലക്ഷൻ

ഇലക്ട്രോണിക് സംവിധാനത്തിലൂടെ വോട്ട് രേഖപ്പെടുത്തുന്നു

2022-2023 അധ്യയന വർഷത്തെ സ്കൂൾ പാർലമെന്റിലേക്കുള്ള ക്ലാസ് ലീഡർ തെരഞ്ഞെടുപ്പ് നടത്തി. ജനാധിപത്യം, തെരഞ്ഞെടുപ്പ്, ഗവൺമന്റ് എന്നിങ്ങനെയുള്ള ക്ലാസ് റൂമുകളിലെ പഠനാശയങ്ങൾ കുട്ടികൾ നേരിട്ടറിയുന്നതിന് വേണ്ടി സോഷ്യൽ ക്ലബിന്റെ ആഭിമുഖ്യത്തിൽ ലിറ്റിൽ കൈറ്റ്സ്, എസ് പി സി ,ജെ ആർ സി എന്നീ യൂണിറ്റുകളുടെ സഹായത്തോടെയാണ് തെരഞ്ഞെടുപ്പ് സംഘടിപ്പിച്ചത്. തെരഞ്ഞെടുപ്പിനു മുന്നോടിയായി നാമനിർദേശ പത്രികാ സമർപ്പണം, നാമനിർദേശ പത്രിക സൂക്ഷ്മപരിശോധന, മത്സരാർത്ഥികളുടെ പേര് പ്രസിദ്ധീകരിക്കൽ, വോട്ടെടുപ്പ്, വോട്ടെണ്ണൽ, ഫലപ്രഖ്യാപനം, ആദ്യ പാർലമെന്റ് യോഗം എന്നിവയുടെ തീയ്യതികളും സമയവും ഇലക്ഷൻ വിജ്ഞാപനത്തിലൂടെ പ്രസിദ്ധീകരിച്ചിരുന്നു. തെരഞ്ഞെടുപ്പിന്റെ നടത്തിപ്പ് കുട്ടികൾ തന്നെയാണ് നിർവ്വഹിച്ചത്. അധ്യാപകർ മേൽനോട്ടം വഹിച്ചു. തെരഞ്ഞെടുപ്പ് വിജയകരമായി നടത്തുന്നതിന് വേണ്ടി JRC , Little Kites , SPC എന്നീ യൂണിറ്റുകളിലെ തെരഞ്ഞെടുത്ത കുട്ടികൾക്ക് പരിശീലനം നൽകി. സോഫ്റ്റ് വെയർ ഉപയോഗിച്ച് ഇലക്ട്രോണിക് വോട്ടായാണ് തെരഞ്ഞെടുപ്പ് നടന്നത് തെരഞ്ഞെടുപ്പിന്റെ ആദ്യ ഘട്ടം മുതൽ അവസാനം വരെ സ്കൂളിലെ ഈ മൂന്ന് യൂണിറ്റുകളുടെയും പൂർണ്ണ പങ്കാളിത്തമുണ്ടായിരുന്നു.

സോഫ്റ്റ്‌വെയർ കൈകാര്യം ചെയ്തത് തെരഞ്ഞെടുത്ത ലിറ്റിൽകൈറ്റ്സ് അംഗങ്ങളായിരുന്നു. പോളിംങ് ഓഫീസേഴ്സായി JRC ടീമും, സ്കൂളിന്റെ നിയന്ത്രണം എസ്.പി.സി കേഡറ്റുകളും ഏറ്റെടുത്തു. ടീമും കൈകാര്യം ചെയ്തു. EVM ഉപയോഗിച്ച് വോട്ട് ചെയ്യാനുള്ള പരിശീലനം കുട്ടികൾക്ക് നൽകാനും ഡോക്യുമെന്റേഷൻ, ഫോട്ടോ , വീഡിയോ എന്നിവ എടുക്കാനും ലിറ്റിൽ കൈറ്റ്സ് അംഗങ്ങൾ ഭംഗിയായി നിർവഹിച്ചു.

വെള്ളിയാഴ്ച കൃത്യം 10:30 ന് വോട്ടെടുപ്പ് നടന്നു. സ്റ്റേജ്, ഓഡിറ്റോറിയം എന്നിവിടങ്ങളിൽ സജ്ജീകരിച്ച മൂന്നു ബുത്തുമൂന്നു ബുത്തുകളിലാണ് തെരഞ്ഞെടുപ്പ് നടന്നത്. ഒന്നാം ബൂത്ത് പത്താം ക്ലാസിനും, രണ്ടാം ബൂത്ത് ഒമ്പതാം ക്ലാസിനും, മൂന്നാം ബൂത്ത് എട്ടാം ക്ലാസിനുമായാണ് നടത്തിയത്. ഓരോ ബൂത്തിലും യഥാക്രമം A, B, C, D, E, F, G എന്നിങ്ങനെയുള്ള ഡിവിഷനുകളായാണ് നടത്തിയത്. കുട്ടികൾ തിരിച്ചറിയൽ കാർഡുമായിട്ടാണ് വോട്ട് ചെയ്യാൻ എത്തിയത്. ഇതിനായി സമ്പൂർണവഴി ജനറേറ്റ് ചെയ്ത ഐ.ഡി കാർഡുകൾ കുട്ടികൾക്ക് വിതരണം ചെയ്തിരുന്നു. ഒരു ഡിവിഷനിൽ റീപോളിംഗ് വേണ്ടിവന്നു. ഉച്ചയ്ക്ക് 12:15 ന് തന്നെ തെരഞ്ഞെടുപ്പ് പൂർത്തിയായി. അന്നേ ദിവസം തന്നെ ഉച്ചയ്ക്ക് 2:30 ന് വോട്ടെണ്ണൽ ആരംഭിക്കുകയും റിസൾട്ട് പ്രധാനാധ്യാപകന് കൈമാറുകയും ക്ലാസ് ലീഡർ 1, 2 സ്ഥാനങ്ങൾ പ്രഖ്യാപിക്കുകയും ചെയ്തു.

RMSA കെട്ടിടം ഉദ്ഘാടനം ചെയ്തു

RMSA കെട്ടിടം മലപ്പുറം പാർലമെന്റ് മണ്ഡലം എ.പി. നിർവഹിക്കുന്നു.

ഇരുമ്പുഴി ഗവ.ഹയർ സെക്കണ്ടറി സ്കൂളിന് മലപ്പുറം ജില്ലാ പഞ്ചായത്തും ആർ.എം.എസ്. എ യും സംയുക്തമായി നിർമ്മിച്ച കെട്ടിടത്തിന്റെ ഉദ്ഘാടനം മലപ്പുറം പാർലമെന്റ് മണ്ഡലം എം.പി. ഡോ.എം.പി.അബ്ദുസ്സമദ് സമദാനി നിർവഹിച്ചു. ജില്ലാ പഞ്ചായത്ത് പ്രസിഡണ്ട് എം.കെ. റഫീഖ അദ്ധ്യക്ഷത വഹിച്ചു. ആനക്കയം ഗ്രാമ പഞ്ചായത്ത് പ്രസിഡണ്ട് അടോട്ട് ചന്ദ്രൻ, മലപ്പുറം ബ്ലോക്ക് വികസന കാര്യ സ്റ്റാന്റിംഗ് കമ്മിറ്റി ചെയർമാൻ കെ.എം.മുഹമ്മദാലി മാസ്റ്റർ, വികസന കാര്യ സ്റ്റാന്റിംഗ് കമ്മിറ്റി ചെയർമാൻ യു. മൂസ്സ, വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ കെ.എം. റഷീദ് മാസ്റ്റർ, ബ്ലോക്ക് മെമ്പർ പി.ബി. ബഷീർ, മെമ്പർമാരായ കെ.ശ്രീമുരുകൻ, ജസീല ഫിറോസ് ഖാൻ, ജസ്ന കുഞ്ഞിമോൻ, രജനി മോഹൻദാസ്, പി.ടി.എ പ്രസിഡണ്ട് കെ. എം. ബഷീർ, പി.ടി.എ വൈസ് പ്രസിഡണ്ട് സി.കെ. മമ്മു, എസ്.എസ്.കെ പ്രോജക്ട് കോ-ഓർഡിനേറ്റർ ടി.രത്നാകരൻ, ശ്രീ.കെ.വി. മുഹമ്മദാലി, സുന്ദരരാജൻ, മുജീബ് പെരിമ്പലം, ഹെഡ് മാസ്റ്റർ കെ.ശശികുമാർ, പ്രിൻസിപ്പാൾ ഇൻ ചാർജ്ജ് അനൂപ് പി എന്നിവർ പരിപാടിയിൽ പങ്കെടുത്തു.

ക്ലബ്ബുകളുടെ ഉദ്ഘാടനം

സ്കൂളിലെ വിവിധ ക്ലബ്ബുകളുടെ ഔപചാരികമായ ഉദ്ഘാടനം 2022, ജൂലൈ 30 ന് ചലചിത്ര പിന്നണി ഗായകനും കവാലി സൂഫി മലയാളി ഗായകരിൽ പ്രശസ്തനുമായ ഇമാം മജ്ബൂർ വിവിധ സിനിമകളിൽ ഹിറ്റായ തന്റെ മനോഹരമായ ഗാനാലാപനത്തോടെ നിർവഹിച്ചു. വിവിധ ക്ലബ്ബുകളുടെ പ്ലക്കാർഡുകളുമായി ക്ലബ്ബ് ക്യാപ്റ്റൻമാർ സ്റ്റേജിൽ അണിനിരന്നു. ഉദ്ഖാടനത്തോടനുബന്ധിച്ച് സ്കൂൾ സംഗീതാധ്യാപകന്റെ നേതൃത്വത്തിൽ വിദ്യാർഥി വിദ്യാർഥിനികൾ പങ്കെടുത്ത ഗാനമേളയും നാടൻപാട്ടും ഡാൻസും അരങ്ങേറി.

പ്രഥമ പ്രധാനാധ്യാപകനെ അദരിച്ചു

സ്കൂളിന്റെ പ്രഥമ പ്രധാനാധ്യാപകനെ ആദരിക്കുന്നു.

ഗവ. ഹൈസ്കൂളിന്റെ ആരംഭം മുതൽ രണ്ട് വർഷം പ്രധാനാധ്യാപകനായിരുന്ന കെ.പി. ശ്രീനിവാസൻ മാസ്റ്ററെ എസ്.പി.സിയുടെ ഓണം അവധിക്കാല ക്യാമ്പിന്റെ ഭാഗമായി നടന്ന ചടങ്ങിൽ ആദരിച്ചു. സ്കൂളിന്റെ ആരംഭത്തിൽ ധാരാളം പ്രയാസം സഹിച്ച് സ്കുളിന്റെ നിർമാണത്തിലും അതിന്റെ പ്രാഥമിക ഘട്ടത്തിലും സ്കൂളിന്റെ ജീവനാഡിയായി പ്രവർത്തിക്കുകയും ജനങ്ങളുടെ സ്നേഹം സമ്പാദിക്കുകയും ചെയ്ത പ്രധാനാധ്യാപകനെ മുൻ എച്ച്. എം. ഗിരിജ ടീച്ചർ പരിചയപ്പെടുത്തി. ആനക്കയം ഗ്രാമപഞ്ചായത്ത് പ്രസിഡണ്ട് അടോട്ട് ചന്ദ്രൻ മെമന്റോ സമ്മാനിച്ചു. സ്കൂൾ എച്ച്.എം. പഞ്ചായത്ത് മെമ്പർമാർ എന്നിവർ പങ്കെടുത്തു. ശ്രീനിവാസൻ മറുപടി പ്രസംഗത്തിൽ സ്കൂളിന്റെ ആരംഭ ചരിത്രം സംക്ഷിപ്തമായി എസി.പി.സി കേഡറ്റുകളെ കേൾപിച്ചു. ഹൈസ്കൂൾ ആരംഭിച്ച 1974 സെപ്റ്റംബർ 3 മുതൽ 1976 ജൂൺ 16 വരെ രണ്ട് വർഷമാണ് കെ.പി. ശ്രീനിവാസൻ ഈ സ്കൂളിൽ പ്രധാനാധ്യാപകനായി സേവനം അനുഷ്ഠിച്ചത് (സ്കൂളിന്റെ ചരിത്രതാളിൽ ഇതുസംബന്ധമായി കൂടുതൽ വായിക്കാവുന്നതാണ്.)

ഓണാഘോഷം 2022

ഈ വർഷം ഓണാഘോഷം വ്യത്യസ്ഥമായ വിവിധ പരിപാടികളോടെ കെങ്കേമമായി കൊണ്ടാടി. രാവിലെ 6:45 ന് ആൺകുട്ടികൾക്കും പെൺകുട്ടികൾക്കും പ്രത്യേകമായി നടത്തപ്പെട്ട മാരത്തൺ മത്സരത്തോടെയാണ് 2022 ലെ ഓണാഘോഷത്തോടനുബന്ധിച്ചുള്ള പരിപാടികൾക്ക് തുടക്കം കുറിച്ചത്. കായികാധ്യാപകൻ ഇതിന് നേതൃത്വം നൽകി. പി.ടി.എ. പ്രസിഡണ്ട് ഫ്ലാഗ് ഓഫ് നിർവഹിച്ചു. അതിന് ശേഷം ക്ലാസ് അടിസ്ഥാനത്തിലുള്ള പൂക്കള മത്സരം, ലിറ്റിൽകൈറ്റ്സ് അംഗങ്ങളുടെ ഡിജിറ്റൽ പൂക്കളമത്സരം, ക്ലാസടിസ്ഥാനത്തിലുള്ള വടം വലി മത്സരം, ചാക്കിൽ കേറി ചാട്ടം, ഫുട്ബോൾ ഷൂട്ടൗട്ട്, ഓണപ്പാട്ട്, ഗ്രൂപ്പ് ഡാൻ‍സ് എന്നിവ നടന്നു. സ്കൂളിലെ മുഴുവൻ കുട്ടികൾക്കും ഓണസദ്യയും പായസവും നൽകി. പരിപാടിൽ പങ്കെടുത്ത് വിജയികളായവർക്ക് സമ്മാനം വിതരണം ചെയ്തു. പി.ടി.എ പ്രസിഡണ്ട്, വൈസ് പ്രസിഡണ്ട്, വാർഡ് മെമ്പർ, പി.ടി.എ പ്രതിനിധികൾ എന്നിവരും അധ്യാപകർക്ക് പുറമെ സജീവമായി പങ്കെടുത്തു.

ശാസ്ത്രോത്സവം 2022

ശാസ്ത്രോത്സവം 2022 ന്റെ സ്കൂൾതല മത്സരങ്ങൾ 22-09-2022 ന് വ്യാഴാഴ്ച വിപുലമായ തോതിൽ സ്കൂളിൽ വെച്ച് നടന്നു. ഐ.ടി മേള, സയൻസ് ഫയർ, പ്രവൃത്തി പരിചയ മേള, എസ്.എസ്. ഫയർ, മാത്സ് ഫയർ എന്നീ മേളകൾ ശാസ്ത്രോത്സവത്തിന്റെ ഭാഗമായി സ്കൂളിന്റെ വിവിധ സ്ഥലങ്ങളിൽ വെച്ച് നടന്നു. വിവിധ മേളകൾക്ക് അതത് ക്ലബ്ബുകൾ നേതൃത്വം നൽകി. ഐ.ടി മേള സ്കൂൾ ലാബിൽ വെച്ച് ലിറ്റിൽ കൈറ്റിന്റെ ആഭിമുഖ്യത്തിലും മാത്സ് മേള ഗണിത ക്ലബ്ബിന്റെയും എസ്.എസ്. ഫയർ എസ്.എസ്. ക്ലബ്ബിന്റെയും അഭിമുഖ്യത്തിലും കൊണ്ടാടി. സയർസ് ഫയർ വിവിധ ക്ലാസ് മുറികളിലും പ്രവർത്തി പരിചയ മേള ഓഡിറ്റോറിയത്തിൽ വെച്ചും ക്ലാസ് മുറികളിലുമായിട്ടാണ് നടത്തപ്പെട്ടത്. കൂടുതൽ വായനക്ക് ക്ലബ്ബു പ്രവർത്തനങ്ങളുടെ പേജിൽ വിശദമായി നൽകിയിട്ടുണ്ട്.

സ്പോർട്സ് 2022

സ്പോർട്സ് - 2022 എന്ന പേരിൽ സ്കൂൾതല കായികോത്സവം 2022 സെപ്തംബർ 23, 24 തിയ്യതികളിൽ നടന്നു. റെഡ്, യെല്ലോ, ഗ്രീൻ, ബ്ലൂ എന്നീ ഹൗസുകളായി തിരിച്ച് സബ് ജൂനിയർ, ജൂനിയർ, സീനിയർ വിഭാഗങ്ങളിലായിരുന്നു മത്സരം. മാർച്ച് പാസ്റ്റോടെ പരിപാടി ആരംഭിച്ചു. എച്ച്.എം സല്യൂട്ട് സ്വീകരിച്ചു. 3000 മീറ്റർ ഓട്ടമായിരുന്നു ആദ്യം ഇനം. തുടർന്ന് 100, 200, 400, 600, 800, 1500 മീറ്റർ ഇനങ്ങളിൽ ഓട്ട മത്സരവും ഷോട്ട്പുട്ട്, ഡിസ്കസ്, ജാവലിൻ, ഹാമർ ത്രോ ഇനങ്ങളും നടന്നു. രണ്ടാം ദിനം നാല് ഹൗസുകളുടെയും ജൂനിയർ, സീനിയർ വിഭാഗങ്ങളിൽ ആൺകുട്ടികൾക്കും പെൺകുട്ടികൾക്കും പ്രത്യേകമായി നടത്തിയ റിലെയോടെ പരിപാടികൾ അവസാനിച്ചു. വിജയികളായ ഒന്നും രണ്ടും മൂന്നും സ്ഥാനക്കാർക്ക് മത്സരം അവസാനിച്ച ഉടനെ മെഡലുകളായും ഏറ്റവും കൂടുതൽ പോയിന്റ് നേടിയ ഒന്ന് രണ്ട് സ്ഥാനക്കാർക്ക് ഹൗസുകൾക്ക് സമാപന ചടങ്ങിൽ ഓവറോൾ ട്രോഫികളായും വിതരണം ചെയ്തു. റെഡ് ഹൗസ്, ബ്ലൂ ഹൗസ് എന്നിവയാണ് യഥാക്രമം ഒന്നും രണ്ടും സ്ഥാനം നേടിയത്.

ലഹരിവിരുദ്ധ ജനജാഗ്രതസമിതി രൂപീകരിച്ചു

കേരള ഗവൺമെന്റ് ലഹരിക്കെതിരെ പ്രഖ്യാപിച്ച 2022 ഒക്ടോബർ 1 മുതൽ നവംബർ 1 വരെ നീണ്ടു നിൽക്കുന്ന ലഹരിവിരുദ്ധ കാമ്പയിനിന്റെ ഭാഗമായി ഇരുമ്പുഴി ഗവ. ഹയർ സെക്കണ്ടറി സ്കൂളിലും ലഹരിവിരുദ്ധ ജനജാഗ്രതാസമിതി രൂപീകരിച്ചു. പിടിഎ എക്സിക്യൂട്ടീവ്, എസ്. എം. സി., പോലീസ് പ്രതിനിധികൾ, എക്സൈസ് പ്രതിനിധികൾ, സ്കൂൾ പാർലമെന്റ് അംഗങ്ങൾ, എസ്. പി. സി. - സി. പി. ഒ മാർ, ആന്റി നാർകോട്ടിക്സ് ക്ലബ്ബ് യോദ്ധാവ്, വ്യാപാരി പ്രതിനിധികൾ, വിവിധ രാഷ്ട്രീയ പാർട്ടി പ്രതിനിധികൾ, പൂർവവിദ്യാർത്ഥി പ്രതിനിധികൾ, പൊതുപ്രവർത്തകരുടെ പ്രതിനിധികൾ, റിട്ടയേർഡ് അധ്യാപകരുടെ പ്രതിനിധികൾ, വിവിധ ക്ലബ്ബുകളുടെ പ്രതിനിധികൾ, മത സംഘടനകളുടെ പ്രതിനിധികൾ, ഓട്ടോ ഡ്രൈവേഴ്സ് പ്രതിനിധികൾ തുടങ്ങിയവരെയൊക്കെ ഉൾപ്പെടുത്തി കൊണ്ടാണ് വിപുലമായ ജാഗ്രത സമിതി നമ്മൾ രൂപീകരിച്ചത്. ഒരു മാസക്കാലം നീണ്ടുനിൽക്കുന്ന പ്രവർത്തനങ്ങൾ തയ്യാറാക്കി ഒക്ടോബർ 7 ന് ആദ്യ പിരീഡിൽ ക്ലാസ്സ്‌ ടീച്ചേഴ്സ് ബോധവൽക്കരണ ക്ലാസ് നടത്തും. ഒക്ടോബർ 13 ന് വ്യാഴാഴ്ച 3 മണിക്ക് ജാഗ്രത സമിതിയുടെ രണ്ടാമത്തെ യോഗം നടക്കും, ഒക്ടോബർ 14ന് കുട്ടികൾക്ക് വീണ്ടും ബോധവൽക്കരണ ക്ലാസ് കൊടുക്കും. സെലക്ടഡ് ടീച്ചേഴ്സ് ആണ് ക്ലാസ് എടുക്കുക. ഒക്ടോബർ 17 ന് കുട്ടികൾക്ക് ലഹരി വിരുദ്ധ പോസ്റ്റർ രചനാമത്സരം നടത്തും. കുട്ടികൾ വീട്ടിൽ നിന്നും പോസ്റ്ററുകൾ തയ്യാറാക്കി കൊണ്ടുവരും. ഒക്ടോബർ 19 ന് ബുധനാഴ്ച മൂന്ന് മണിക്ക് ബോധവൽക്കരണ റാലി സംഘടിപ്പിക്കും. ഇരുമ്പുഴി, വടക്കുമുറി, പാണായി എന്നീ മൂന്ന് ഏരിയകളിൽ സമാപന സംഗമം നടത്തും. സംഗമത്തിൽ ജനജാ ഗ്രത സമിതിയിലെ അംഗങ്ങൾ പങ്കെടുക്കും. ഒക്ടോബർ 22 ന് ശനിയാഴ്ച സമിതിയുടെ ആഭിമുഖ്യത്തിൽ കടകളിലൂടെയുള്ള ബോധവൽക്കരണം നടത്തും. ഒക്ടോബർ 2 5ന് ചൊവ്വാഴ്ച അവസാന പീരീഡിൽ ക്ലാസ് തലത്തിലുള്ള സെമിനാറുകൾ നടത്തും. നവംബർ 1 ന് ഹൈസ്കൂൾ ഹയർസെക്കൻഡറി വിദ്യാർത്ഥികൾ ലഹരിവിരുദ്ധചങ്ങല നിർമിക്കും. ഇതിനോടനുബന്ധിച്ച് ലഹരിവിരുദ്ധ പ്രതിജ്ഞ ചൊല്ലും. ഇത്രയും തീരുമാനങ്ങളാണ് ഇന്ന് നടന്ന ലഹരിവിരുദ്ധ ജനജാഗ്രതാസമിതിയിൽ എടുത്തത്.

സ്മാർട്ട് 40 - ത്രിദിന ക്യാമ്പ് ഉദ്ഘാടനം

ഒ.ആർ.സിയുടെ കീഴിൽ നടത്തപ്പെടുന്ന സ്മാർട്ട് 40 ത്രിദിന ക്യാമ്പ് ബ്ലോക്ക് പഞ്ചായത്ത് പ്രസിഡണ്ട് നിർവഹിക്കുന്നു.

വനിതാ ശിശുവികസന വകുപ്പ്, സംയോജിത ശിശുസംരക്ഷണ പദ്ധതി, ജില്ലാ ശിശുസംരക്ഷണ യൂണിറ്റ് മലപ്പുറം എന്നിവയുടെ ആഭിമുഖ്യത്തിൽ തെരഞ്ഞെടുത്ത സ്കൂളിൽ നടത്തിവരുന്ന SMART 40 എന്ന പേരിലുള്ള മൂന്ന് ദിവസത്തെ ക്യാമ്പിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡൻറ് അഡ്വ: കാരാട്ട് അബ്ദുറഹ്മാൻ നിർവ്വഹിച്ചു, മലപ്പുറം ബ്ലോക്ക് പഞ്ചായത്ത് നടപ്പിലാക്കുന്ന "inbibe" പദ്ധതിയിലൂടെ എൻ.എം.എസ്.എസ് പരീക്ഷക്കായി തയ്യാറെടുക്കുന്ന പഠിതാക്കൾക്ക് കൈ പുസ്തകവിതരണോദ്ഘാടനവും നടന്നു. സ്കൂൾ പി.ടി.എ. പ്രസിഡണ്ടും മലപ്പുറം ബ്ലോക്ക് പഞ്ചായത്ത് മെമ്പറുമായ ബഷീർ പി.ബി. അധ്യക്ഷത വഹിച്ച യോഗത്തിൽ ബ്ലോക്ക് വൈസ് പ്രസിഡൻറ് റജുല പെലത്തൊടി പദ്ധതി വിശദീകരിച്ചു. മലപ്പുറം ചൈൽഡ് പ്രൊട്ടക്ഷൻ ഓഫീസ്സർ ശ്രീമതി ഗീതാജ്ഞലി മുഖ്യ പ്രഭാഷണം നടത്തി. ബ്ലോക്ക് വികസന സ്റ്റാൻ്റിംഗ് കമ്മറ്റി ചെയർമാൻ കെ.എം. മുഹമ്മദലി മാസ്റ്റർ, ആനക്കയം പഞ്ചായത്ത് വികസന സ്റ്റാൻ്റിംഗ് കമ്മറ്റി ചെയർമാൻ ഉമ്മാട്ട് മൂസ, ബ്ലോക്ക് സെക്രട്ടറി സുരേഷ് കുമാർ എന്നിവർ ആശംസകളർപ്പിച്ചു. മുൻ മലപ്പുറം ഡി.ഡി. സഫറുള്ള കുട്ടികൾക്കും രക്ഷിതാക്കൾക്കും മോട്ടിവേഷൻ ക്ലാസ്സ് നടത്തി. എച്ച്.എം. ശശികുമാർ സ്വാഗതവും സീനിയർ അസിസ്റ്റൻ്റ് പി.ഡി. മാത്യു നന്ദിയും പറഞ്ഞു.

വിജയഭേരി പ്രവർത്തനങ്ങൾ ഒറ്റനോട്ടത്തിൽ

ഫലപ്രഖ്യാപന ദിവസം സ്കൂളിലെത്തി എപ്ലസ്സുകാർ അധ്യപകരോടൊപ്പം അഹ്ലാദം പങ്കിടുന്നു

2022-23 അധ്യയന വർഷത്തിലെ വിജയഭേരി പ്രവർത്തനങ്ങൾക്ക് 2022 ജൂൺ 21 (ചൊവ്വ) മലപ്പുറം ജില്ലാപഞ്ചായത്ത് പ്രസിഡണ്ട് എം.കെ റഫീഖ ഔപചാരിക ഉദ്ഘാടനം ചെയ്തതോടെ തുടക്കമായി. മലപ്പുറം ജില്ലയിലെ എസ്.എസ്.എൽ.സി ഫലം മെച്ചപ്പെടുത്തുന്നതിന് വേണ്ടി മലപ്പുറം ജില്ലാപഞ്ചായത്ത് ആവിഷ്കരിച്ച വിജയഭേരി പദ്ധതി സ്കൂളിൽ ഈ വർഷവും കാര്യക്ഷമായി നടപ്പാക്കി. അതിന്റെ ഭാഗമായി നടത്തിയ പ്രവർത്തനങ്ങൾ:

2 മോട്ടിവേഷൻ ക്ലാസുകൾ (ജൂൺ ആദ്യവാരം, ഫെബ്രുവരി ആദ്യവാരം )
മോർണിംഗ് & ഈവനിംഗ് ക്ലാസുകൾ
ബെയ്സ് ലൈൻ ടെസ്റ്റ്
സർപ്രൈസ് ടെസ്റ്റ് (A+ ക്ലബ്)
A+ ക്ലബ് രൂപീകരണം, ഉദ്ഘാടനം.
പഠന വിശകലന റിപ്പോർട്ടിംഗ് ഷീറ്റ് ( A + ക്ലബ്)
പഠന ടൈം ടേബിൾ (A+ ക്ലബ്)
One day one qustion - സിസ്റ്റം (For A+)
പാദ വാർഷിക പരീക്ഷ ക്ക് ശേഷം കാറ്റഗറി തിരിക്കൽ.
പഠനത്തിൽ പിന്നാക്കം നില്ക്കുന്ന കുട്ടികൾക്ക് വിഷയാടിസ്ഥാനത്തിലുള്ള ക്ലാസ് (ഈവനിംഗ്)
"എൻ്റെ കുട്ടി, എൻ്റെ മാർക്ക് " - രക്ഷിതാവിനു ള്ള മാർക്ക് ഷീറ്റ്.
" ഞാൻ, എൻ്റെ മാർക്ക് " കുട്ടി തനിക്ക് മാർക്ക് രേഖപ്പെടുത്തുന്ന ഷീറ്റ്..
പാദ വാർഷിക പരീക്ഷക്ക് ശേഷമുള്ള രക്ഷിതാക്കളുടെ മീറ്റിംഗ് ( Face to Face)
യൂണിറ്റ് ടെസ്റ്റുകൾ.
അർദ്ധ വാർഷിക പരീക്ഷ മാർക്ക് അടിസ്ഥാനമാക്കി ഗ്രുപ്പ് തിരിക്കൽ.
രക്ഷാകർതൃ സംഗമം
റിവിഷൻ ക്ലാസുകൾ.( തിളക്കം, വെളിച്ചം, മുന്നേറ്റം, പ്രതീക്ഷ, ജാഗ്രത, കൈതാങ്ങ്)
പഠന സമയത്തോട് കൂടിയ റിവിഷൻ ടെസ്റ്റുകൾ .
പ്രിൻ്റഡ് നോട്ട്സ് വിതരണം.
മൂന്ന് ഘട്ടങ്ങളിലുള്ള പഠന ടൈം ടേബിൾ.
പഠനവിലയിരുത്തൽ രേഖ.
മെന്ററിംഗ് ഗ്രൂപ്പുകൾ.
പഠന വീടുകൾ.
നൈറ്റ് ക്യാമ്പ് -1 (A+)
നൈറ്റ് ക്യാമ്പ് - 2 ( മറ്റു ക്ലാസുകൾ )
വിഷയ വിദഗ്ദക്ലാസുകൾ.
വിഷയാടിസ്ഥനത്തിലുള്ള സംശയമുള്ള ഭാഗങ്ങൾ എഴുതി വാങ്ങൽ.
പ്രീ മോഡൽ പരീക്ഷ
മോഡൽ പരീക്ഷ.
ബാച്ച്, ക്ലാസ്, ഗ്രൂപ്പ്, വ്യക്തി അടിസ്ഥാനത്തിൽ നിരന്തമായ ഇടപെടലുകൾ.. പ്രശ്ന പരിഹാരങ്ങൾ... ഉപദേശ നിർദ്ദേശങ്ങൾ...
യാത്രയയപ്പ്
ഫോട്ടോ സെഷൻ.
പരീക്ഷയുടെ തലേദിവസങ്ങളിൽ പ്രത്യേക കോച്ചിംഗ്.

ഇതിന്റെയൊക്കെ ഫലമായി മൂന്നാം തവണയും ആദ്യഫല പ്രഖ്യാപനത്തിൽ തന്നെ 100 % വിജയം (255/255)

43 ഫുൾ A+
13 .9 A+
24 8A+..

വിപുലമായ ഈ വിജയഭേരി പ്രവർത്തനങ്ങൾക്ക് നേതൃത്വം നൽകിയത് 2022-23 അധ്യയനവർഷത്തിലെ വിജയഭേരി കോർഡിനേറ്ററായി തെരഞ്ഞെടുക്കപ്പെട്ട കെ അബ്ദുൽ ജലീലാണ്. സ്കൂളിന്റെ വിജയത്തിനായി അധ്യാപകരും രക്ഷിതാക്കളും ഒറ്റക്കെട്ടായി പ്രവർത്തിച്ചതിന്റെ ഫലമായുണ്ടായ ഈ നേടത്തിന് പി.ടി.എ. പ്രസിഡണ്ടും മലപ്പുറം ജില്ലാ പഞ്ചായത്ത് പ്രസിഡണ്ട് എം.കെ റഫീഖയും അധ്യാപകരെയും വിദ്യാർഥികളെയും പ്രത്യേകമായി അഭിനന്ദിച്ചു.

മുൻ അധ്യയനവർഷങ്ങളിലെ തനതുപ്രവർത്തനങ്ങൾ

അധ്യായനം ആരംഭിച്ചപ്പോൾ കോവിഡ് 19 ന്റെ മഹാമാരിയെ തുടർന്നുള്ള ലോക്കഡൗൺ ആയിരുന്നു. അധ്യയന വർഷം പകുതി പിന്നിട്ടതിന് ശേഷമാണ് ഭാഗികമായി പത്താം ക്ലാസിന് മാത്രം ഒരു ക്ലാസിൽ 20 പേരെ മാത്രം ഇരുത്തി ക്ലാസ് ആരംഭിച്ചത്. ക്ലാസിലെ പകുതി കുട്ടികൾ വീതം ഒന്നിടവിട്ട ദിവസങ്ങളിൽ സ്കൂളിലെത്തി പഠന പ്രക്രിയയിൽ പങ്കാളികളായി. എങ്കിലും സ്കൂളിൽ വെച്ച് നടക്കേണ്ടുന്ന മിക്ക പ്രവർത്തനങ്ങളും സാധ്യമാകുന്നത്ര ഓൺലൈനായി നടത്തി. ദിനാചരങ്ങളും വിശേഷദിവസങ്ങളും അവ്വിധം കൊണ്ടാടപ്പെട്ടു. വിജയഭേരിയുമായി ബന്ധപ്പെട്ടു പത്താക്ലാസുകാർക്കുള്ള ഏതാനും കാര്യങ്ങളാണ് ഈ വർഷത്തിൽ ഓഫ്‍ലൈനായി നടത്തപ്പെട്ടത്. അവയെക്കുറിച്ച് കൂടുതലറിയാൻ താഴെയുള്ള കണ്ണിയിൽ ഞെക്കുക.

2021-22 വർഷത്തിലെ പ്രവർത്തനങ്ങൾ

ഗ്രന്ഥശാല

5000 ലധികം പുസ്തകങ്ങളുള്ള ഒരു ലൈബ്രറി സ്കൂളിനുണ്ട്. മധുസൂദനൻ മാഷാണ് ലൈബ്രേറിയൻ. വിദ്യാരംഗം കലാസാഹിത്യവേദിയുമായി ചേർന്നാണ് അതിന്റെ പ്രവർത്തനങ്ങൾ നടന്നുവരുന്നത്. വർഷം തോറും ഡിവിഷനുകൾ കൂടിവരുന്നതിനാൽ ജില്ലാപഞ്ചായത്ത് നിർമിച്ച ലൈബ്രറി റൂം ഇപ്പോൾ ക്ലാസുമുറിയായി ഉപയോഗിക്കുകയാണ്. ഈ പ്രശ്നം താമസിയാതെ മലപ്പുറം ജില്ലാപഞ്ചായത്ത് നിർമിച്ചുനൽകുന്ന 6 മുറികളുള്ള കെട്ടിടം പ്രവർത്തനസജ്ജമാകുന്നതോടെ പരിഹരിക്കപ്പെടും. ഇതിന് കീഴിൽ നടത്തപ്പെടുന്ന പ്രവർത്തനങ്ങൾ ഇവിടെ കാണാം.

ലിറ്റി‍ൽ കൈറ്റ്സ്

വിദ്യാലയാടിസ്ഥാനത്തിൽ നടത്തപ്പെടുന്ന ദൈനംദിന പഠനപ്രവ‍ർത്തനങ്ങളുടെ ആസൂത്രണത്തിലും നടത്തിപ്പിലും സാങ്കേതികസൗകര്യങ്ങളുടെ പ്രയോഗത്തിലും വിദ്യാ‍ർഥികളെക്കൂടി പങ്കാളികളാക്കേണ്ടതുണ്ടല്ലോ. ഹൈടെക്ക് സംവിധാനത്തിൽ പഠനപ്രവ‍ർത്തനങ്ങൾ കൂടുതൽ സാങ്കേതിക വിദ്യാധിഷ്ഠിതമാകുന്നതോടെ അധ്യാപൿക്കൊപ്പം വിവരനി‍ർമിതിയിലും നടത്തിപ്പിലും വിദ്യാർഥികളെയും പങ്കാളികളാക്കുക, കുട്ടികളുടെ സാങ്കേതികജ്ഞാനം വികസിപ്പിക്കുക എന്ന ലക്ഷ്യത്തോടെ സ്കൂൾ തലത്തിൽ പ്രവ‍ർത്തിക്കുന്ന ഐ.സി.ടി കൂട്ടായ്മയാണ് ലിറ്റിൽകൈറ്റ്സ്. സംസ്ഥാന സർക്കാർ ആവിഷ്കരിച്ച് നടപ്പിലാക്കിവരുന്ന ഹൈടെക് സ്കൂൾ പദ്ധതിയുടെ ഭാഗമായാണ് പൊതുവിദ്യാലയങ്ങളിൽ ലിറ്റിൽ കൈറ്റ്സ് യൂണിറ്റുകൾ രൂപീകരിക്കുന്നത്. സ്റ്റുഡൻസ് പോലീസ് കേഡറ്റ് മാതൃകയിൽ, ഒരു അധ്യാപകന്റെയും അധ്യാപികയുടെയും മേൽനോട്ടത്തിൽ സ്കൂൾ യുണിറ്റ് പ്രവ‍ർത്തിക്കുന്നു. എട്ടാം ക്ലാസിൽ പഠിക്കുന്ന വിദ്യാ‍ർഥികളിൽ നിന്നും ജനുവരി മാസത്തിൽ ഒരു അഭിരുചി പരീക്ഷ നടത്തി തെരഞ്ഞെടുക്കപ്പെടുന്ന 20 മുതൽ 40 വരെ കുട്ടികളെയാണ് ഒരു യൂണിറ്റിൽ ഉൾപ്പെടുത്തുന്നത്. ഇതിന്റെ അടിസ്ഥാനത്തിൽ നി‍ർദ്ദേശിക്കപ്പെട്ടവിധം പരീക്ഷ നടത്തി 28 വിദ്യാർഥികളെ ചേ‍ർത്ത് ആദ്യ ഘട്ടത്തിൽ തന്നെ സ്കൂളിൽ ലിറ്റിൽ കൈറ്റ്സിന് അംഗീകാരം നേടിയെടുക്കാനായി (Registration No. LK/2018/18017). ലിറ്റിൽകൈറ്റ്സിന്റെ 3ാമത്തെ യൂണിറ്റ് ഇപ്പോൾ പത്താം ക്ലാസിലും 4ാമത്തെ യൂണിറ്റ് 9ാം ക്ലാസിലും പഠിക്കുന്നു. എട്ടാം ക്ലാസിലെ കുട്ടികളെ തെരഞ്ഞെടുക്കാനുള്ള പ്രവർത്തനങ്ങൾ നടന്നുവരുന്നു. ലിറ്റിൽകൈറ്റ്സ് പ്രവർത്തനങ്ങൾ ഇവിടെ കാണാം.

ജെ.ആർ.സി

വിദ്യാർഥികളിൽ കരുണയും സേവനമനോഭാവവും വ‍ളർത്തുന്നതിന് വേണ്ടി ലോകാരോഗ്യസംഘടനയുടെ കീഴിൽ നടന്നുവരുന്ന Junior Red Cross (J.R.C.) സ്കൂൾ യൂണിറ്റ് മികച്ചരൂപത്തിൽ നടന്നുവരുന്നു. 2015-16 അദ്യയനവർഷത്തിലാണ് ഇത് രൂപീകരിക്കപ്പെട്ടത്. മലപ്പുറം എം.എൽ.എ. പി. ഉബൈദുള്ള സാഹിബ് ആണ് സ്കൂൾ യുണിറ്റിന്റെ ഉദ്ഘാടനം നിർവഹിച്ചത്. എട്ടാം ക്ലാസിലെ 25 കുട്ടികളുമായി ആരംഭിച്ച ജെ.ആർ.സിയിൽ ഇപ്പോൾ എട്ടിലും ഒമ്പതിലും പത്തിലുമായി 75 അംഗങ്ങളുണ്ട്. ഇതിന്റെ സി.ലെവൽ പരീക്ഷ പാസാകുകയും ക്യാമ്പ് സർട്ടിഫിക്കറ്റ് നേടുകയും ചെയ്യുന്ന വിദ്യാർഥികൾക്ക് എസ്.എസ്.എൽ.സി പരീക്ഷയിൽ ഗ്രേസ് മാർക്കിന് അർഹതയുണ്ടായിരിക്കും. ഈ വർഷം പത്താം തരത്തിൽ പഠിക്കുന്ന 18 ജെ.ആർ.സി. കുട്ടികൾ സി.ലെവൽ പരീക്ഷ പാസായി ഗ്രേസ് മാർക്കിന് അർഹത നേടി. കൂടുതൽ വിവരങ്ങൾ ഇവിടെ.

എസ്.പി.സി.

SPC കേഡറ്റുകൾക്കുള്ള പരിശീലനം-പെൺകുട്ടികൾ

സ്റ്റുഡൻസ് പോലീസ് കാഡറ്റ് യുണിറ്റിന് 2018-19 വർഷത്തിൽ സ്കൂളിൽ അനുമതി ലഭിച്ചു. തിരുവനന്തപുരം പോലീസ് ട്രൈനിംഗ് കോളേജിൽ 10 ദിവസത്തെ പരിശീലനം നേടിയ രണ്ട് അധ്യാപകരാണ് എസ്.പി.സിയുടെ ചുമതല വഹിക്കുന്നത്. CPO ആയി ഇപ്പോൾ ചുമതല വഹിക്കുന്നത് മുഹമ്മദ് സാലിമും അധ്യാപകനും ACPO ആയി സ്നേഹലതയുമാണ്. എട്ടാം ക്ലാസിൽ നിന്നുള്ള 44 പേരെയാണ് എസ്.പി.സി കേഡറ്റുകളായി തെരഞ്ഞെടുക്കപ്പെടുന്നത്. ആദ്യബാച്ച് (2018-20) 2020 മാർച്ച് 9 മഞ്ചേരി ബോയ്സ് ഹൈസ്കൂൾ ഗ്രൗണ്ടിൽവെച്ച് നടന്ന വർണാഭമായ ചടങ്ങിൽ പാസ്സിംഗ് ഔട്ട് ആയി. രണ്ടാം ബാച്ച് (2019-21) ഈ വർഷം 2020 മാർച്ച് 4 ന് സ്കൂൾ ഗൗണ്ടിൽ പാസിംഗ് ഔട്ട് പരേഡ് നടത്തി. ജില്ലാപഞ്ചായത്ത് പ്രസിഡണ്ട് റഫീഖ എം.കെ. സല്യൂട്ട് സ്വീകരിച്ചു. ആനക്കയം ഗ്രാമപഞ്ചായത്ത് പ്രസിഡണ്ട്, മഞ്ചേരി SI മുഹമ്മദ് ബഷീർ എന്നിവർ സന്നിദ്ധരായിരുന്നു. പരിശീലന പരിപാടികൾ ആഴ്ചതോറും (ബുധൻ) ഭംഗിയായി നടന്നുവരുന്നു. മഞ്ചേരി പോലീസ് സ്റ്റേഷനിൽനിന്നുള്ള 2 പുരുഷ-വനിതാ പോലീസ് ഉദ്യോഗസ്ഥർ ആൺകുട്ടികൾക്കും പെൺകുട്ടികൾക്കും പരിശീലനം നൽകുന്നു.

SPC കേഡറ്റുകൾക്കുള്ള പരിശീലനം-ആൺകുട്ടികൾ

എസ്.പി.സി.യുടെ കീഴിൽ നടത്തിയ പ്രവർത്തനങ്ങൾ

പ്രദേശത്തെ പ്രളയബാധിത വീടുകൾ സ്കൂളിലെ എൻ.എസ്.എസ് വളണ്ടിയേഴ്സിനോടൊപ്പം

പെൺകുട്ടികൾക്ക് വേണ്ടിയുള്ള കളരി പരിശീലനം

ആർ.എം.എസ്.എ യുടെ കീഴിൽ പെൺകുട്ടികൾക്കുള്ള സ്വയരക്ഷ പദ്ധതിയുടെ ഭാഗമായി ഒമ്പതാംക്ലാസിലെ പെൺകുട്ടികൾ കളരി പരിശീലനം നടന്നുവരുന്നു. ഇരുമ്പുഴിഎ.പി.ഐ.എം കളരി സംഘം മൌയ്തീൻ കുട്ടി ഗുരുക്കളുടെ കീഴിലാണ് 50 അംഗ സംഘം പരിശീലനം നേടിയത്. രണ്ട് ബാച്ചുകൾ ഇതിനകം പരിശീലനം നേടി.

വിദ്യാരംഗം കലാ സാഹിത്യ വേദി

വിദ്യാർഥികളിലെ സർഗവാസനകളെ പ്രോത്സാഹിപ്പിക്കാനും വളർത്താനും ഉദ്ദേശിച്ച് സജീവമായി പ്രവ‍ർത്തിക്കുന്ന വേദിയാണ് വിദ്യാരംഗം കലാസാഹിത്യവേദി. ഓരോ ക്ലാസിൽനിന്നും രണ്ട് വീതം പ്രതിനിധികളെ ചേർത്ത്. അവരിൽനിന്ന് ക്ലാസ് കൺവീനറെയും സ്റ്റുഡൻസ് ജനറൽ കൺവീനറെയും തെരഞ്ഞെടുക്കുന്നു. മലയാളം അധ്യാപകരുടെ ഒരു പ്രതിനിധിയായിരിക്കും കൺവീനർ വിദ്യാരംഗം‌-18

ക്ലബ്ബ് പ്രവർത്തനങ്ങൾ

പാഠ്യപാഠ്യാനുബന്ധപ്രവർത്തനങ്ങൾക്കായി താഴെ പറയുന്ന ക്ലബ്ബുകളും പ്രവർത്തിക്കുന്നു. ക്ലബ്ബുകളുടെ ഔപചാരികമായ ഉദ്ഘാടനം വിവിധ പരിപാടികളോടെ വിപുലമായി സ്കൂൾ ഓഡിറ്റോറിയത്തിൽ വിപുലയമായി കൊണ്ടാടാറുണ്ട്.

എസ്.എസ് ക്ലബ്, ഹെൽത്ത് ക്ലബ്ബ്, നാച്ചൊറൽ ക്ലബ്ബ്, ഒറേറ്ററി ക്ലബ്ബ്, ഗാന്ധിദർശൻ ക്ലബ്ബ്, മലയാളം ക്ലബ്ബ്, ഹിന്ദി ക്ലബ്ബ്, അറബി ക്ലബ്ബ്, ഉർദു ക്ലബ്, ഇംഗ്ലീഷ് ക്ലബ്ബ്, സ്പോർട്സ് ക്ലബ്ബ്, ഐ.ടി ക്ലബ്ബ് (ലിറ്റിൽ കൈറ്റ്സ്).

എന്നിവയാണ് പ്രധാനപ്പെട്ട ക്ലബ്ബുകൾ.

പഠനശാക്തീകരണ പദ്ധതികൾ

ഒ.ആർ.സി.

സ്മാർട്ട് 40 ത്രിദിന ക്യാമ്പ്

മൂന്ന് ദിവസം നീണ്ടുനിന്ന സ്മാർട്ട് 40 സഹവാസ ക്യാമ്പ് (16-3-2018 മുതൽ 18-3-2018 വരെ) സമാപിച്ചു. സംയോജിത ശിശുവികസന പദ്ധതിയുടെ ആഭിമുഖ്യത്തിൽ ഒ.ആ.സി.യുടെ നിർദ്ദേശമനുസരിച്ച് നടത്തപ്പെട്ട ക്യാമ്പിന് സ്കൂൾ ഒ.ആർ.സി. കോർഡിനേറ്റർ ശ്രീമതി സ്നേഹലത ടീച്ചർ നേതൃത്വം നൽകി. 44 കുട്ടികൾ ആദ്യവസാനം പങ്കെടുത്തു. വിവിധ മേഖലയിൽ വിദഗ്ദരായ വ്യക്തിത്വങ്ങൾ ക്ലാസുകൾക്കും പ്രവർത്തനങ്ങൾക്കും നേതൃത്വം നൽകി. 16 ാം തിയ്യതി വൈകുന്നേരം 5 മണിക്ക് ആരംഭിച്ച ക്യാമ്പ് ജില്ലാ പഞ്ചായത്ത് സ്റ്റാൻ്റിംഗ് കമ്മറ്റി ചെയർമാൻ ശ്രീ ഉമർ അറക്കൽ ഉദ്ഘാടനം ചെയ്തു. കുട്ടികളുടെ മാനസികവും സാമൂഹികവുമായ വളർചക്ക് സഹായകമായ വിവിധ പ്രവർത്തനങ്ങൾ കുട്ടികൾ ആവേശത്തോടെ ഏറ്റെടുത്തു. അധ്യാപകളും രക്ഷിതാക്കളും ഊഴമനുസരിച്ച് വിദ്യാർഥികളോടൊപ്പം ഉണ്ടായിരുന്നു. കഴിഞ്ഞ വർഷങ്ങളിലേതു പോലെ തന്നെ ക്യാമ്പ് ഹൃദ്യവും പ്രയോജനപ്രദവുമായി കുട്ടികൾ അഭിപ്രായപ്പെട്ടു.

മലപ്പുറം ജില്ലയിലെ തെരഞ്ഞെടുക്കപ്പെട്ട 5 സ്കൂളുകളിലൊന്നാണ്. ജി.എച്ച്.എസ് ഇരുമ്പുഴി. വളരെ നല്ല നിലയിൽ ഒ.ആർ.സി പ്രവർത്തനങ്ങൾ ഇവിടെ നടന്നുവരുന്നു. കഴിഞ്ഞ വർഷങ്ങളിൽ നിർദ്ദേശിക്കപ്പെട്ട മുഴുവൻ പ്രവാർത്തനങ്ങളും ഈ സ്കൂളിൽ നടന്നു.

സ്മാർട്ട് 40 ദ്വിദിന ക്യാമ്പ്

ഓ.ആർ.സി.ക്ക് കീഴിൽ ഈ വർഷം നടന്ന ശ്രദ്ധേയമായ പരിപാടിയാണ്. ഓ.ആർ.സി. സ്മാർട്ട് ഫോർട്ടി ക്യാമ്പ്. നവംബർ 19, 20 (ശനി, ഞായർ) തിയ്യതികളിലായി സ്കൂൾ ഓഡിറ്റോറിയത്തിലും സ്മാർട്ട് റൂമിലുമായി നടന്നു. 19 തിയ്യതി ശനിയാഴ്ച രാവിലെ 8:30 ന് ആരംഭിച്ച പരിപാടി 20 ാം തിയ്യതി ഞായറാഴ്ച വൈകുന്നേരം നാലര മണിയോടെയാണ് അവസാനിച്ചത്.

മലപ്പുറം ജില്ലാ പഞ്ചായത്ത് വികസനകാര്യസമിതി ചെയർമാൻ ഉമർ അറക്കലാണ് പരിപാടി ഉദ്ഘാടനം ചെയ്തത്. വാ‍ർഡ് മെമ്പർ സലീന ബഷീർ, പി.ടി.എ പ്രസിഡണ്ട് ബഷീർ, സമീർ മച്ചിങ്ങൽ, ഷാഹുൽ ഹമീദ് സർ, എന്നിവർ പങ്കെടുത്ത് സംസാരിച്ചു. ഹെഡ്മാസ്റ്റർ കരുണാകരൻ എ.പി. സ്വാഗതവും കോർഡിനേറ്റർ സ്നേഹലത ടീച്ചർ നന്ദിയും പറഞ്ഞു.

ശ്രദ്ധ പദ്ധതി

വിദ്യാഭ്യാസ വകുപ്പ് തന്നെ 2017-18 വർഷം മുതൽ 3ാം തരം മുതൽ 8ാം തരം വരെ കുട്ടികളുടെ പഠനപിന്നാക്കാവസ്ഥ നിൽക്കുന്ന വിദ്യാർഥികൾക്കായി ശ്രദ്ധ എന്ന പേരിൽ ഒരു പദ്ധതി തയ്യാറാക്കിയിരിക്കുന്നു. ശ്രദ്ധ പദ്ധതി അതിന്റെ പൂർണമായ തികവോടെ സ്കൂളിൽ നടന്നു. ഈ പദ്ധതി വരുന്നതിന് മുമ്പെ അമൃതം എന്ന പേരിട്ട് പിയർഗ്രൂപ്പ് പഠനപദ്ധതി സ്കൂളിൽ കഴിഞ്ഞ വർഷങ്ങളിൽ വിജയകരമായി നടന്നിരുന്നു. കൂടുതൽ കാര്യക്ഷമമായും നടപ്പാക്കിയ പദ്ധതി പിന്നാക്കം നിൽക്കുന്ന കുട്ടികളിൽ പുതിയ ഉണർവിന് കാരണമായതായി വിലയിരുത്തപ്പെട്ടു.

എട്ടാം ക്ലാസിൽ പഠനത്തിൽ പിന്നാക്കം നിൽക്കുന്നവർക്ക് അടിസ്ഥാന ശേഷി നേടിക്കൊടുക്കാനുള്ള പരസപര പഠനസാഹായ പദ്ധതിയായിരുന്നു അമൃതം പദ്ധതി. ക്ലാസിലെ തന്നെ സമർഥരായ വിദ്യാർഥികളുടെ മെൻ്റർ ഗ്രൂപ്പുകളിലൂടെയാണിത് നടന്നുവന്നിരുന്നത്. ഇംഗ്ലീഷ്, മലയാളം, ഹിന്ദി എന്നീ ഭാഷകളിൽ എഴുത്തും വായനയും വേണ്ടവിധം വികസിക്കാത്ത കുട്ടികളായിരുന്നു ഇതിന്റെ ഉപഭോക്താക്കൾ. കണക്കിലെ അടിസ്ഥാന ക്രിയകളും പോലും ചെയ്യാൻ കഴിയാതിരിരുന്ന ഇത്തരം കൂട്ടികൾ നിരന്തരമായ മോട്ടിവേഷന്റെ ഫലമായി ഈ അവസരം സ്വയം പ്രയോജനപ്പെടുത്താൻ മുന്നോട്ട് വന്നുവെന്നതായിരുന്നു ഉണ്ടായമാറ്റം.

നവപ്രഭ പദ്ധതി

ഒമ്പതാം ക്ലാസിലെ പിന്നാക്കം നിൽക്കുന്ന വിദ്യാർഥികളെ ശാക്തികരിക്കുന്നതിനായി ഗവ. തലത്തിൽ തന്നെയുള്ള സംവിധാനമാണ് നവപ്രഭ. കഴിഞ്ഞ വർഷം ഒട്ടേറെ പ്രവർത്തനങ്ങൾ ഇതുമായി ബന്ധപ്പെട്ട് നടന്നു. കൂട്ടികളെ കണ്ടെത്താൻ പ്രത്യേക ടെസ്റ്റ് നടത്തി. തെരഞ്ഞെടുത്ത കൂട്ടികൾക്ക് വിവിധ വിഷയങ്ങളിൽ പ്രത്യേക പരിശീലനം. സൌജന്യ ടൂർ എന്നിവ നടന്നു. ലഘുഭക്ഷണം സൌജന്യമായി നൽകിയാണ് ഈ ക്ലാസുകൾ നടന്നുവന്നിരുന്നത്. ഈ പദ്ധതിയും തുടർന്നുവരുന്നു.

ഭിന്നശേഷിക്കാർക്ക് വേണ്ടിയുള്ള പ്രവർത്തനങ്ങൾ

സ്കൂളിലെ ഭിന്നശേഷിക്കാരായ വിദ്യാർഥികളെ സ്കൂളിന്റെ സാധാരണ മുഴുവൻ പ്രവർത്തനങ്ങളിലും പങ്കാളികളാക്കുന്നതിന് പുറമെ അവർക്കായി പ്രത്യേക പരിഗണയും നൽകിവരുന്നു. അതിന്റെ ഭാഗമായി അത്തരം കുട്ടികൾക്കും അവരുടെ രക്ഷിതാക്കൾക്കും ചില പരിശീലന പരിപാടികളും സ്കൂളിൽ സംഘടിപ്പിക്കുകയുണ്ടായി.

കുടനിർമാണ പരിശീലനം

2017 ഡിസംബറിൽ ഭിന്നശേഷിക്കാരായ വിദ്യാർഥികൾക്കും അവരുടെ രക്ഷിതാക്കൾക്കുമായി കുടനിർമാണ പരിശീലനം സ്കൂളിൽ സംഘടിപ്പിച്ചു. പത്ത് വിദ്യാർഥികളും അവരുടെ രക്ഷിതാക്കളമാണ് പരിശീലനത്തിൽ പങ്കെടുത്ത് കുട നിർമാണം പഠിച്ചത്. തയ്യാറാക്കിയ കുടകൾ അധ്യാപകർ വിലകൊടുത്ത് വാങ്ങി.

മാഗസിൻ നിർമാണം

ഭിന്നശേഷിക്കാരായ കുട്ടികളുടെ കലാവാസനയെ പ്രോത്സാഹിപ്പിക്കുക എന്ന ലക്ഷ്യത്തോടെ ശലഭവർണങ്ങൾ എന്ന ഒരു മാഗസിൻ പുറത്തിറക്കി. അധ്യാപകന്റെ മേൽനോട്ടത്തിൽ മാഗസിന്റെ പൂർണമായ പ്രവർത്തനങ്ങളും കുട്ടികൾതന്നെയാണ് ചെയ്തത്. അംസംബ്ലിയിൽ അത് പ്രധാനാധ്യാപിക പ്രകാശനം ചെയ്യുകയും പങ്കെടുത്തവർക്ക് പ്രത്യേക സമ്മാനങ്ങൾ നൽകുകയുമുണ്ടായി.

കായിക മത്സരങ്ങൾ

വികലാംഗ ദിനത്തോടനുബന്ധിച്ച് മലപ്പുറത്ത് വച്ച് നടന്ന കായിക മത്സരത്തിൽ പങ്കെടുത്ത് വിജയികളായ ഭിന്നശേഷി വിദ്യാർഥികൾക്ക് പൊതുവേദിയിൽ വെച്ച് സമ്മാനങ്ങൾ വിതരണം ചെയ്തു.

വിനോദയാത്ര

ഭിന്നശേഷിക്കാരായ കുട്ടികളും അവരുടെ രക്ഷിതാക്കളും അധ്യാപകരുടെയും സ്കൂളിലെ തെരഞ്ഞെടുക്കപ്പെട്ട മറ്റുകുട്ടികളോടൊപ്പം നിലമ്പൂർ തേക്ക് മ്യൂസിയത്തിലേക്ക് വിനോദയാത്ര നടത്തിയത് കുട്ടികൾക്ക് ഒട്ടേറെ പുതിയ പാഠങ്ങൾ നൽകി. മലപ്പുറത്തെ ഒരു സഹൃദയൻ മുഴുവൻ കുട്ടികൾക്കും രക്ഷിതാക്കൾക്കും വഴിയിൽ വെച്ച് ഇളനീർ വാങ്ങിനൽകിയത് ഹൃദ്യമായ ഒരു അനുഭവവും സ്കൂളിനോടുള്ള പൊതുസമൂഹത്തിന്റെ ആദരവുമായി പരിഗണിക്കപ്പെട്ടു.

വിജയഭേരി

സ്കൂളിൻ്റെ പഠനനിലവാരം മെച്ചപ്പെടുത്തുന്നതിനും പ്രത്യേകിച്ച് പത്താക്ലാസിൽ ഉന്നതവിജയം നേടുന്നതിനും വേണ്ടി പ്രവർത്തിക്കുന്ന സജീവമായ പദ്ധതിയാണ് ജില്ലാ പഞ്ചായത്തിന് കീഴിൽ നടത്തുന്ന വിജയഭേരി. ഇക്കഴിഞ്ഞ വർഷങ്ങളിൽ ഇതിൻ്റെ കീഴിൽ വിവിധ പരിപാടികൾ നടത്തി. സ്കൂൾ തുറക്കുന്നതിന് തൊട്ടുമുമ്പായി നടത്തുന്ന ഒരു ദിവസം നീണ്ടുനിൽക്കുന്ന മോട്ടിവേഷൻക്ലാസ്. സ്കൂൾ ആരംഭിച്ചതിന് ശേഷം രക്ഷിതാക്കളുടെ വിപുലമായ മീറ്റിംഗ്, ജൂൺമാസത്തിൽ തന്നെ ആരംഭിക്കുന്ന രാവിലെയും (9-9:45) വൈക്കുന്നേരം സ്കൂൾ വിട്ടതിന് ശേഷവും(4-4:45) പഠനനിലവാരം തിരിച്ചുള്ള പ്രത്യേക കോച്ചിംഗ് ക്ലാസുകൾ, പത്ത് വിദ്യാർഥികളെ തരംതിരിച്ച് അധ്യാപകരെ ഏൽപിച്ചുള്ള നിരീക്ഷണം, ഗൃഹസന്ദർശനങ്ങൾ, പരീക്ഷയോടനുബന്ധിച്ച് വിവിധ പ്രദേശങ്ങളിലെ നാട്ടുകാരുടെ സഹായത്തോടെ നടത്തുന്ന പഠനമൂലകൾ, അന്നേ ദിവസങ്ങളിൽ സ്കൂളിൽ വെച്ചുള്ള രാത്രികാല ക്യാമ്പുകൾ എന്നിവയാണ് പത്താം ക്ലാസിലെ കുട്ടികളെ കേന്ദ്രീകരിച്ചുള്ള വിജയഭേരി പരിപാടികൾ.

കാരുണ്യസഹായ നിധി

അധ്യാപകരുടെയും വിദ്യാർഥികളുടെയും പിന്തുണയാൽ കഴിഞ്ഞവർഷങ്ങളിൽ ഒരു ലക്ഷത്തോളം രൂപയുടെ സേവനപ്രവർത്തനങ്ങളാണ് ഇതിലൂടെ സ്കൂൾ നടത്തിയത്. പ്രയാസപ്പെടുന്ന കുട്ടികളെ കണ്ടെത്തി വളരെ രഹസ്യമായി സഹായമെത്തിക്കുന്ന സംവിധാനമാണിത്. അകാലത്തിൽ രക്ഷിതാക്കൾ മരണപ്പെട്ട നിർദ്ധനരായ വിദ്യാർഥികൾക്കും ഇതിന്റെ ഫലം ലഭിക്കുകയുണ്ടായി. ഈ വർഷം മുതൽ കൂടുതൽ കാര്യക്ഷമമായി ഈ പ്രവർത്തനം നടത്താനുള്ള മുന്നൊരുക്കങ്ങൾ ചെയ്തുവരുന്നു.

കോവിഡാനന്തരം പൊതുവെ പ്രയാസമനുഭവിക്കുന്ന ഈ പരിതസ്ഥിതിയിലും കാരുണ്യനിധിയും പ്രവർത്തനത്തിൽ വിദ്യാർഥികൾ പങ്കാളികളായി പന്തല്ലൂർ സ്വദേശിയായ ഒരു കിഡ്നി രോഗിക്ക് കിഡ്നി മാറ്റിവെക്കുന്നതിനായി 40,000 ലധികം രൂപ പിരിച്ചു നൽകി.

മികവുത്സവ കലാജാഥ

പൊതുവിദ്യാഭ്യാസം ശാക്തീകരിക്കുന്നതിന്റെ ഭാഗമായി കേരള ഗവ. പൊതുവിദ്യാഭ്യാസ വകുപ്പ് നിർദ്ദേശിച്ച മികവുത്സവ കലാജാഥ വൈവിധ്യമാർന്ന പരിപാടികളോടെ വിപുലമായി നടത്തി. ആനക്കയത്ത് നിന്ന് തുടങ്ങി വടക്കുംമുറിയിൽ അവസാനിച്ച കലാജാഥ 7 കേന്ദ്രങ്ങളിൽ സ്വീകരണങ്ങൾ ഏറ്റുവാങ്ങി പരിപാടികൾ അവതരിപ്പിച്ചു. ഗാനമേള സ്കൂളിന്റെ മികവുകളുടെ ഡോക്യൂമെന്ററി പ്രദർശനം ഓരോ പ്രദേശത്തെയും രാഷ്ട്രീയ സാസ്കാരിക വിദ്യാഭ്യാസ മേഖലകളിലെ പ്രമുഖരുടെ പ്രഭാഷണം എന്നിവ ഉണ്ടായിരുന്നു. കലാപരിപാടികൾ പൂ‍ർണമായും നിയന്ത്രിച്ചത് വിദ്യാർഥികളായിരുന്നു. കലാജാഥക്ക് ഷരീഫ്, എച്ച്. എം. എൻ ഗിരിജ, സ്റ്റാഫ് സെക്രട്ടറി മുനീർ എന്നിവ‍ർ നേതൃത്വം ന‍ൽകി അധ്യാപികമാരും അധ്യാപകരും ജാഥയെ അനുഗമിച്ചു. ആനക്കയത്ത് വെച്ച് പഞ്ചായത്ത് പ്രസിഡണ്ട് പി.ടി. സൂനീറ ഉദ്ഘാടനം നി‍ർവഹിച്ചു. പരിപാടിയിൽ പി.ടി.എ. എക്സിക്യൂട്ടീവ് അംഗങ്ങൾ എം.ടി.എ പ്രസിഡണ്ട് ശബ്ന എന്നിവ‍ർ സംബന്ധിച്ചു. പെരിമ്പലത്ത് വെച്ച് ഹംസ മാഷ് സംബന്ധിച്ച് സംസാരിച്ചു. ശേഷം ഇരുമ്പുഴി, കരിഞ്ജീരിപറമ്പ്, വളാപറമ്പ് എന്നിവിടങ്ങളി‍ൽ പരിപാടി അവതരിപ്പിക്കുകയും വിവിധ സ്ഥലങ്ങളിൽ അതാത് പ്രദേശത്തെ വാഡ് മെമ്പർമാ‍ർ പങ്കെടുത്ത് സംസാരിക്കുകയും ചെയ്തു. വളാപറമ്പിൽ വാ‍ഡ് മെമ്പറും പി.ടി.എ പ്രസിഡണ്ടുമായ യു. മൂസ സംസാരിച്ചു. വടക്കുമുറിയിൽ വെച്ച് നടന്ന സമാപനത്തിൽ മൊയ്തീൻ മാസ്റ്റർ മുഹമ്മദ് മാസ്റ്റർ എന്നിവരും പങ്കെടുത്ത് സംസാരിച്ചു.

അക്കാഡമിക് മാസ്റ്റർ പ്ലാൻ പുറത്തിറക്കി

ഏതൊരു സ്ഥാപനത്തിന്റെയും നിലനിൽപ്പിനും പുരോഗതിക്കും സമഗ്രമായ ഒരു ആസൂത്രണ രേഖ ആവശ്യമുണ്ട്. വ്യക്തമായ ലക്ഷ്യം നിർണയിച്ചുകൊണ്ടുള്ള ആ മാർഗരേഖയാണ് അക്കാഡമിക് മാസ്റ്റർ പ്ലാനിലൂടെ ഉദ്ദേശിക്കുന്നത്. ദീർഘനാളത്തെ കൂടിയാലോചനക്കും ചർചകൾക്കും ശേഷം സ്കൂൾ പുറത്തിറക്കിയ വിഷൻ 100 വിദ്യാഭ്യാസ വികസന രേഖ മികവ് എന്ന പേരിൽ മലപ്പുറം എം. എൽ. എ. ശ്രീ ഉബൈദുല്ല പ്രകാശനം ചെയ്തു. പഞ്ചായത്ത് പ്രസിഡണ്ട് വാർഡ് മെമ്പർമാർ എന്നിവർ സന്നിഹിതരായിരുന്നു. പഞ്ചായത്ത് പ്രസിഡണ്ട് പി.ടി സുനീറ, പി.ടി.എ. പ്രസിഡണ്ട് യു. മൂസ, പ്രധാനാധ്യാപക ഗിരിജ, പ്രിൻസിപ്പൾ അനിൽ എന്നിവർ സംസാരിച്ചു.

ദിനാചരണങ്ങൾ

സുപ്രധാനമായ ഏതാണ്ടെല്ലാ ദിനാചരണങ്ങളും സ്കൂളിൽ കൊണ്ടാടാറുണ്ട്. ജനുവരി 26 - റിപ്പബ്ലിക് ദിനം, ജനുവരി 30 - രക്തസാക്ഷി ദിനം, ജൂൺ 5 - ലോക പരിസ്ഥിതി ദിനം, ജൂൺ 19 - സംസ്ഥാന വായനദിനം, ജൂൺ 21 - അന്താരാഷ്ട്ര യോഗ ദിനം, ജൂൺ 26 - ലോക ലഹരിവിരുദ്ധദിനം, ജൂലൈ 11 - ലോക ജനസംഖ്യാ ദിനം, ആഗസ്റ്റ് 6 - ഹിരോഷിമ ദിനം, ഓഗസ്റ്റ് 15 സ്വതന്ത്ര്യദിനം, സെപ്തംബർ 5 - ദേശീയ അധ്യാപകദിനം, സെപ്തംബർ 21 - ലോക സമാധാന ദിനം, ഒക്ടോബർ 16 - ലോക ഭക്ഷ്യദിനം, നവംബർ 1 - കേരളപ്പിറവി ദിനം, ഡിസംബർ 1 - ലോക എയ്ഡ്സ് ദിനം... എന്നീദിനങ്ങൾ സ്കൂളിൽ ആചരിക്കുന്നവയിൽ പ്രധാനമാണ്.

പൊതുവിദ്യാഭ്യാസ ശാക്തീകരണം

സംസ്ഥാന ഗവ. നടപ്പിലാക്കിയ പൊതുവിദ്യാഭ്യാസ ശാക്തീകരണ യജ്ഞത്തിന്റെ ഭാഗമായി നിർദ്ദേശിക്കപ്പെട്ട പരിപാടികൾ സ്കൂളിൽ വിപുലമായിതന്നെ നടന്നുവരുന്നു. കഴിഞ്ഞ വർഷത്തെ മികവുത്സജഥ വിപുലമായ തോതിൽ സ്കൂളിന്റെ പരിസരപ്രദേശങ്ങളിലെ പ്രധാനകലവകളെ കേന്ദ്രീകരിച്ചു നടത്തി. 25 ഓളം സ്കൂളിലെ കലാകാരൻമാരും അധ്യാപകരും പി.ടി.എ പ്രതിനിധികളുമാണ് ഇതിന് നേതൃത്വം നൽകിയത് 7 കേന്ദ്രങ്ങളിൽ വിവിധ കലാപരിപാടികൾ അവതരിപ്പിക്കുകയും എൽ.സി.ഡി പ്രൊജക്ടർ ഉപയോഗിച്ച് സ്കൂളിൻ്റെ മികവുകളുടെ ഡോക്യുമെന്ററി പ്രദർശിപ്പിക്കുകയും ചെയ്തു. സ്കൂൾ പ്രധാനമന്ത്രി പ്രസംഗിച്ചു. വിവിധ സ്ഥലങ്ങളിൽ അതതുപ്രദേശത്തെ ജനപ്രതിനിധികൾ സാംസ്കാരിക പ്രവർത്തകർ എന്നിവർ ഒരുമിച്ചു കൂടുകയും ഉദ്ഘാടന കർമങ്ങളിലും പരിപാടികളിലും ഭാഗബാക്കാവുകയും ചെയ്തു.

ആഘോഷദിനങ്ങൾ

ഓണം, ഈദ്, ക്രിസ്തുമസ് എന്നീ ആഘോഷങ്ങളും സ്കൂളിൽ ആചരിച്ചുവരുന്നു. ഓണാഘോഷം വിപുലമായ തോതിൽ കൊണ്ടാടുന്നു. വടംവലി, സ്പൂൺറൈസ്, പൊട്ടാറ്റൊഗാതറിംഗ്, പോട്ട് ബ്രെയ്കിംഗ്, സുന്ദരിക്ക് പൊട്ടുവരക്കൽ എന്നിവ മത്സര ഇനങ്ങളിൽ ചിലതാണ്. ഓണപ്പാട്ടുകളും പൂക്കള മത്സരവും നടത്താറുണ്ട്.

|- |}