ജി.വി.എൽ.പി.എസ് ചിറ്റൂർ/സ്കൂൾ വിക്കി പുരസ്കാരം 2021-22
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
സ്കൂൾ വിക്കി പുരസ്കാരം 2021-22
സംസ്ഥാനത്തെ 15,000-ത്തിലധികം സ്കൂളുകളേയും പങ്കെടുപ്പിച്ചുകൊണ്ട് 2009 ൽ വിദ്യാഭ്യാസവകുപ്പ് ആവിഷ്കരിച്ച ഓൺലൈൻ വിജ്ഞാനകോശമാണ് സ്കൂൾവിക്കി. സംസ്ഥാനത്ത് ഏറ്റവും മികച്ച രീതിയിൽ വിക്കി പ്രവർത്തനങ്ങൾ നടത്തുന്ന സ്കൂളുകൾക്ക് ഈ വർഷവും പ്രത്യേക ശബരീഷ് സ്മാരക പുരസ്കാരം നൽകുന്നതാണെന്ന് 2021 ഡിസംബർ 5-ന് പൊതുവിദ്യാഭ്യസവും തൊഴിലും വകുപ്പ് മന്ത്രി വി. ശിവൻകുട്ടി പ്രഖ്യാപിച്ചിരുന്നു. മികച്ച രീതിയിൽ സ്കൂൾ വിക്കി പ്രവർത്തനങ്ങൾ നടത്തുന്ന സ്കൂളുകൾക്ക് സംസ്ഥാന തലത്തിൽ ഒന്നും രണ്ടും മൂന്നും സ്ഥാനത്തെത്തുന്ന സ്കൂളുകൾക്ക് യഥാക്രമം 1,50,000/-, 1,00,000/-, 75,000/- രൂപയും പ്രശസ്തി പത്രവും ജില്ലാതലത്തിൽ യഥാക്രമം 25,000/-, 15,000/-, 10,000/- രൂപയും പ്രശസ്തി പത്രവും അവാർഡ് നൽകുന്നത്.
സമ്മാനദാന ചടങ്ങ്
കേരള നിയമസഭാ സ്പീക്കർ എം.ബി.രാജേഷ് ഉൽഘാടനം ചെയ്തു. പൊതുവിദ്യാഭ്യാസ വകുപ്പ് മന്ത്രി വി. ശിവൻ കുട്ടി ആധ്യക്ഷം വഹിച്ചു. ഗതാഗത വകുപ്പ് മന്ത്രി ആന്റണി രാജു മുഖ്യാതിഥി ആയിരുന്നു. കൈറ്റ് സി ഇ ഒ അൻവർ സാദത്ത് പൊതു വിദ്യാഭ്യാസ ഡയറക്ടർ ജീവൻ ബാബു ഐഎഎസ്, എസ്.ഇ.ആർ.ടി ഡയറക്ടർ ആർ.കെ. ജയപ്രകാശ് എന്നിവർ ചടങ്ങിൽ സംബന്ധിച്ചു. കേരളത്തിലെ ഓരോ ജില്ലയിലേയും ആദ്യ മൂന്നു സ്ഥാനങ്ങൾ നേടിയ വിദ്യാലയങ്ങളിൽ നിന്നെത്തിയ അധ്യാപകരും വിദ്യാർത്ഥികളും നിറഞ്ഞ സദസ്സിലാണ് സമ്മാനദാനം നടന്നത്.
സന്തോഷ നിമിഷങ്ങൾ
രണ്ടാമത് സ്കൂൾ വിക്കി പുരസ്കാരം 2021-22ൽ മികച്ച പേജുകൾ തയ്യാറാക്കിയതിന് പാലക്കാട് ജില്ലയിൽ ഒന്നാം സ്ഥാനം നേടിയ ചിറ്റൂർ ജി.വി.എൽ.പി. സ്കൂളിന്റെ പ്രതിനിധികളായി ഒരു സംഘം തിരുവനന്തപുരത്തേക്ക് യാത്ര തിരിച്ചു. അനുശ്രീ, നിവേദ്യ, ഇഷ രഞ്ജിത്ത്, വിനയ്, സൗപർണ്ണിക എന്നീ വിദ്യാർത്ഥികളും പ്രധാന അദ്ധ്യാപിക ജയലക്ഷ്മി, പി എസ് ഐ ടി സി റസിയ ഭാനു, പി ടി എ പ്രസിഡന്റ് മോഹൻദാസ് എന്നിവരും ചേർന്ന് അഭിമാനവും സന്തോഷവും നിറഞ്ഞ മനസ്സോടെ ജൂലൈ 1 ന് നിയമസഭാ സമുച്ചയത്തിലെ ശങ്കരനാരായണൻ തമ്പി ഹാളിൽ നടന്ന ചടങ്ങിൽ ട്രോഫിയും സർട്ടിഫിക്കറ്റും 25,000 രൂപയുടെ ക്യാഷ് അവാർഡും ഏറ്റു വാങ്ങി. സുപ്രഭ, ഹേമാംബിക, അംബികാദേവി, പവിൽദാസ് എന്നീ അധ്യാപകരും പി.ടി.എ വൈസ് പ്രസിഡന്റ് സുഗതനും പി എസ് ഐ ടി സിയുടെ മകൾ ഹയ്ഫ ഹനനും കാണികളായി ഹാളിൽ ചടങ്ങിൽ ഉണ്ടായിരുന്നു. ഞങ്ങളുടെ മാസ്റ്റർ ട്രെയ്നർ പ്രസാദ് ഞങ്ങൾക്കാവശ്യമായ നിർദ്ദേശങ്ങൾ നൽകികൊണ്ട് ഈ സന്തോഷ നിമിഷത്തിൽ ഞങ്ങളോടൊപ്പം പങ്കു ചേർന്നു. തുടർന്ന് ചായ സൽകാരവും നിയമസഭാഹാൾ സന്ദർശനവും നടന്നു.
നീണ്ട യാത്രയും പുതുമയുള്ള കാഴ്ചകളും കുട്ടികളിൽ കൗതുകം നിറച്ചു. സംസ്ഥാന തലത്തിൽ മികച്ച 3 സ്കൂളുകൾക്ക് ലഭിച്ച പോയിന്റിൽ ചെറിയൊരു വ്യത്യാസം മാത്രമേ ചിറ്റൂർ ജി വി എൽ പി സ്കൂളിന് ഉണ്ടായിരുന്നുള്ളൂ. ഇത് അടുത്ത വർഷത്തേക്കുള്ള പ്രവർത്തനങ്ങളെ കൂടുതൽ മെച്ചപ്പെടുത്തി മികച്ച നേട്ടം കൈവരിക്കാൻ പ്രേരണയായിട്ടുണ്ട്. വിക്കി പേജുകൾ തയ്യാറാക്കുന്നതിന് നേതൃത്വം നൽകുന്ന റസിയക്കും മറ്റു അധ്യാപകർക്കും സ്കൂളിനും സംസ്ഥാന അവാർഡ് എന്ന നേട്ടത്തിലേക്ക് ഏറെ ദൂരമില്ല. ആ അഭിമാന നിമിഷത്തിനായി ഞങ്ങളെല്ലാം ആകാംക്ഷാപൂർവ്വം കാത്തിരിക്കുന്നു.........
- ഇഷ രഞ്ജിത്ത് എഴുതിയ യാത്രാവിവരണം ഒന്ന് കണ്ടു നോക്കാം - യാത്രാവിവരണം
- വീഡിയോ കാണാം - സ്കൂൾ വിക്കി പുരസ്കാരം - 2022
സന്തോഷ നിറവിൽ
 |
 |
|